Izede ra na Ha JW Library Ruiruo

UVUẸN UYONO OMOBỌ:

• Se i Baibol na ọrhẹ Daily Text

• Se Yearbook, magazini, ọrhẹ ẹbe erọrọ. Ha ekwakwa re ha uvuẹn i bookmark

• Mwuegbe hẹrhẹ uyono ukoko, nẹ wu kokarhọ ẹkpahenrhọ na

• Ni ividio sansan

UVUẸN UYONO UKOKO:

• Ni ekete i Baibol rẹ ọtẹmro na ọ rionbọ rhọ. Ha history rharhumu riẹ ekete i Baibol na ogege

• Ukperẹ wu na rhua ẹbe ibuebun rhiẹ uyono, ha ifonu ọnọ ha ru uyono na jeghwai ha so ijoro. JW Library o vwo ijoro ekpokpọ re vwe ji fomu rhẹ ọbe ijoro na

UVUẸN ẸMRO EGHWOGHWO:

• Ohworho orho dje omamerhomẹ phia kpahen ẹmro na, dje emru riẹn uvuẹn JW Library, ne wu ji sa ye erhumu danlodu i app na ọrhẹ ẹbe erọrọ rhẹ uvuẹn ifonu ọnẹyen

• Ha i search guọlọ ekete oghwẹmro i Baibol na ọ havwọ ogege. Orhianẹ wa guọlọ oghwẹmro idjedje kpeke uvuẹn New World Translation, wa rha mẹriẹn uvuie-en, gbe riẹ Reference Bible ya rharhumu guọliẹ

• Kporo ividio. Ọrovwoghwa na orho vwo emọ, wu na sabu kporo owu usuẹn ividio Rhiẹ Ugbehian i Jehova, yanghene wu na sabu kporo ividio Mesoriẹ Ene Yono I Baibol Na? ha ru omamerhomẹ uyono na do rhọ. Orhianẹ ohworho na ọ djẹ edjadjẹ ọrọrọ, kporo ividio uvuẹn edjadjẹ ọnẹyen hariẹn orho vwo

• Orhianẹ wu danlodu ekete i Baibol na uvuẹn edjadjẹ ohworho na, dje yi hariẹn. Gba ghwai hiẹn riẹ ekete i Baibol, ne wu dje oborẹ erhianrhian i Baibol sansan e ta kpahiẹn