E Rhe Ruẹ Ena Ọwan Uvuẹn Owian Aghwoghwo na Rhomẹrhọ—Ra Ruẹ JW.ORG

OBORẸ ỌSORIẸ ỌGHANREN: Ọsoso ẹbe ri ha usuẹn ekwakwa ra ha yono ihworho i rionbọrhọ jw.org. Itiọrurhomẹmro, oborẹ ọsoriẹ a ha ikọntat kadi ọrhẹ itrati na Bọgo ana Mẹrẹn Ẹkpahenrhọ Harẹn enọ Eduado ri Sekpahẹn Enyerẹn-akpọ? ruiruo, ọrẹ ana kpọ ẹhẹn aye riẹ iwẹbsaiti ọwan. Wu na sabu ha i jw.org e fiẹ ọbe owu usuẹn ekwakwa ra ha yono ihworho rhẹ ada nyoma e-mail, yanghene re dje rẹn ohworho na ekete rọ nọ sabu mẹriẹn. Ọnana ọnọ ha userhumu phia omamọ, maido ọke re ghwoghwo rẹn ohworho rọ djẹ edjadjẹ ọrọrọ. Habaye, ihworho ina sabu nọ enọ rẹ ẹbe rọ vwọ ha usuẹn ekwakwa ra ha yono ihworho na ọ kpahenrhọ. Orhianẹ ọwan i sabu ruẹ iwẹbsaiti na, ena ọwan uvuẹn owian aghwoghwo na nẹ ono mwidjẹn.

OBORẸ ENE RUIE LELE:

• 

  Ha oghọn i “BIBLE TEACHINGS” ruiruo. Orhianẹ we ghwoghwo rẹn ọmiọmọ rọ guọlọ iyẹnrẹn erọrọ kpahen oborẹ ana mọrẹn ọmọ lele. Hiẹn riẹ BIBLE TEACHINGS > MARRIAGE & FAMILY.

• Ha oghọn i “PUBLICATIONS” ruiruo. Orhianẹ we ghwoghwo rẹn ohworho obẹ isukuru, wu ji guọlọ yẹ ọmọ wẹwẹ rhẹ ọye i gba ha iklasi ibroshọ na Ẹkpahenrhọ Harẹn Enọ 10 Iphuphẹn A Nọ. Hiẹn riẹ PUBLICATIONS > BOOKS & BROCHURES.

• Ha oghọn “IRUERUO AME” ruiruo. Orhianẹ we ghwoghwo rẹn ohworho wẹwẹ rhẹ ọye a gba wian ekete owu, rọ guọlọ se kpahen imwẹro ọwan. Hiẹn riẹ ABOUT US > FREQUENTLY ASKED QUESTIONS.

NI IVIDIO NA RA RUẸ JW.ORG, ORHO RU GBA TA KPAHEN EKETE WU NA NYA UVUẸN IWẸBSAITI NA NE WU SABU HA USERHUMU RẸN:

• ohworho ro vwo vwo imwẹro taghene Osolobrugwẹ o nyerẹn

• ohworho rẹ emru obiobiomu ọ phia riẹn

• omizu ọhworhare yanghene ọmase rọ havwọ furhiemu

• ẹrharhumu bru ọwan ro roro kpahen oborẹ ọwan a hobọtua owian ọwan lele

• ohworho ro nẹ ẹkwotọre ọrọrọ rhe rọ guọlọ riẹ uyono uvuẹn amwa yen