A Ha Ẹhẹn Ọfuanfon Rẹn Ukoko Ilele Kristi Na

2:1-8, 14, 37, 38, 41-47

Itu i Jew buebun ri riẹ i Jerusalem uvwre ọke Pentecost 33 ọke i Kristi, i nẹ egbamwa sansan rhe. (Ac 2:9-11) Dedevwo aye a mọrọn Urhi Moses na, ọkezẹko aye i nyerẹn ọsoso akpọ aye uvuẹn ẹkwotọre ọrọrọ. (Jer 44:1) Omarana, ezẹko ina sabu tẹmro jerẹ ihworho re ha ẹkwotọre aye e rhirhiẹ na, ukperẹ aye ina tẹmro jerẹ itu i Jew. Ọke ihworho ri te 3,000 ri nẹ egbamwa sansan rhe e bromarhame, ukoko Ilele Kristi na no vwo ihworho ri vẹnẹ owuowọnwan. Dedevwo aye i nẹ egbamwa sansan rhe, “aye e riẹ oghwa ẹga na ọke ephian ọrẹ okugbe.”—Ac 2:46.

Marhẹ wu ne ru dje ọdamẹ okokodo kpahen . . .

• ihworho ri nẹ ẹkwotọre sansan rhe ri ha uvuẹn okogho we ghwoghwo?

• imizu ehworhare ọrhẹ emẹse uvuẹn ukoko wu havwọ ri nẹ egbamwa sansan rhe?