Vwo Omwemẹ Wu Na Hẹrhẹ Rhẹ Edirin

Marhẹ o jiri te ne wa hẹrhẹ Uvie Osolobrugwẹ nọ rhe? We diẹn rhẹ erhionrin udabọ ebẹnbẹn? (Ro 8:25) Ilele Kristi ezẹko a dẹrughwaroghwẹ erhirhiẹ utuoma, ẹkparehaso, ekanron, yanghene a tobọ djofẹn uhwu mwu aye. Buebun e nyerẹn ghele ebẹnbẹn jerẹ emiamo ọgbogbanhon yanghene erhirhiẹ ọho.

Me yọ nọ ha userhumu rẹn ọwan hẹrhẹ rhẹ oruru udabọ ebẹnbẹn ephian ra mẹrẹn? Ọwan ine vi ru esegburhomẹmro ọwan gbanhonrhọ nyoma isese i Baibol ọrhẹ eroro kodo. Ana vi tẹnrovi ifiẹrorhọ ọwan. (2Co 4:16-18; Heb 12:2) Ọwan ina vi nẹrhomo vwe i Jehova jeghwai rẹ ye nọ yẹ ọwan omẹgbanhon ẹhẹn ọfuanfon ọnẹyen. (Lu 11:10, 13; Heb 5:7) Ọsẹ ọwan ro vwo ẹguọlọ ọnọ ha userhumu rẹn ọwan “din rhẹ erhionrin ọrhẹ aghọghọ.”—Col 1:11.

NI IVIDIO NA ỌWAN INA VI “ZẸ RHẸ EDIRIN”—VWO IMWẸRO TAGHENE WU NE VWO OSA NA, ORHO RU GBA KPAHENRHỌ ENỌ ENANA:

• 

  Me yẹ “ekwakwa re vwe fiẹrorhọ” ri na sabu phia uvuẹn akpenyerẹn ọwan? (Ec 9:11)

• 

  Marhẹ ẹrhomo ẹnẹ o ru ha userhumu rẹn ọwan arha dẹrughwaroghwu ebẹnbẹn?

• 

  Orhianẹ a vwa sabu ruẹ buẹnrhọ uvuẹn ogame i Jehova jerẹ oborẹ e ruẹ bi-i, mesoriẹ o fo na tẹnrovi oborẹ ana sabu ru?

• 

  Me yọ nọ ha userhumu wẹn vwo imwẹro taghene wu na sabu vwo osa na?