Brorhiẹn wu na ga i Jehova

Orhianẹ wẹwẹ uphuphẹn uvuẹn ukoko na yanghene ọmọ uyono i Baibol, wu bru ẹkẹ te oma wu ne bromarhame ne? Mesoriẹ wu ne bromarhame? Omẹhakpahontọre ọrhẹ omebrurhame ọ lẹrhẹ ohworho vwo onyerẹnkugbe oghẹnrensan rhẹ i Jehova. (Ps 91:1) O ji lele fi usimirhọ. (1Pe 3:21) Marhẹ wu ne ru sabu mwuovwan?

Dje harẹn oma taghene wu mẹrẹn urhomẹmro na ne. Orhianẹ wu vwo onọ, tọn kodo riarorhọ. (Ro 12:2) Djokarhọ ewene wu guọlọ ru, ne wu ruẹ aye fọkime wu guọlọ lẹrhẹ oma merhen i Jehova. (Pr 27:11; Eph 4:23, 24) Rha nẹrhomo vwe i Jehova ọke ephian nọ ha userhumu wẹn. Vwo imwẹro taghene i Jehova ọnọ yọ omẹgbanhon ọrhẹ userhumu nyoma ẹhẹn ọfuanfon ọnẹyen. (1Pe 5:10, 11) Jehova ọnọ ha ebrurhọ rhẹ omẹdamu ọnọ. Akpenyerẹn rọ mai merhen oma yẹ ọrẹ ana ga i Jehova!—Ps 16:11.

NI IVIDIO NA IZEDE RO LELE FIẸ OMEBRURHAME, ORHO RU GBA KPAHENRHỌ ENỌ ENANA:

• Egbanrhọ ego yẹ ihworho ezẹko i fikparobọ neneyo aye i sabu bromarhame?

• Marhẹ wu ne ru vwo esegburhomẹmro ra guọlọre ne wu sabu homakpahontọre rẹn i Jehova?

• Me yo mwu ihworho ezẹko kpare idjaghwẹ rẹ aye ine bromarhame?

• Ebrurhọ ego yẹ ihworho ri brorhiẹn rẹ aye ina ga i Jehova a mẹrẹn?

• Me yẹ omẹhakpahontọre ọrhẹ omebrurhame i mevirhọ?