Roro Rẹn Awọrọ

Re roro rẹn ohworho, ọ ha userhumu rẹn ọwan vwẹruọ iroro ọravwọ, oborẹ oma o ruie lele, oborẹ o vwo imwẹro kpahen ọrhẹ edamẹ enẹyen. Ihworho a kiki djokarhọ ye orhianẹ e roro rẹn aye, omwemẹ ra na ha userhumu rẹn ohworho yo mwu ọwan roro rẹn aye. Erhe roro rẹn awọrọ uvuẹn owian aghwoghwo na, ne dje ẹguọlọ ọrhẹ ẹruete i Jehova rẹn aye, ọnana nọ lẹrhẹ ihworho tiẹkẹriẹ.—Php 2:4.

E vwe roro rẹn awọrọ ọke re yono aye ọvo-o, ukpomaran e roro rẹn aye nyoma oborẹ a kerhọ ji tẹmro lele, omaran ji te uruemru ọwan, kugbe oborẹ e ruẹ abọ ọrhẹ ughwaro ọwan lele. E djephia taghene e roro rẹn ohworho nyoma a dabu dje ọdamẹ kpahen ọravwọ. Ọwan a djokarhọ edamẹ ye, imwẹruiẹ, ọrhẹ erhirhiẹ ọravwọ. Ọwan a ha urhebro ọrhẹ userhumu riẹn, ọrẹn a vwa gba ye ruẹ ewene-e. Ihworho i rhe rhiabọ dede userhumu re tiobọnẹ rẹn aye uvuẹn iruo Uvie na, aghọghọ ọwan no buẹnrhọ.

NI IVIDIO NA MẸRẸN AGHỌGHỌ UVUẸN OWIAN RE RUẸ IDIBO NYOMA WU NE RUẸ ENA RHOMURHỌ—RE RORO RẸN AWỌRỌ, ORHO RU GBA KPAHENRHỌ ENỌ ENANA:

• 

  Marhẹ i Neeta o ru roro rẹn i Jade ọke ọ vwọ nyamwu ọke uyono aye?

• 

  Marhẹ i Neeta o ru roro rẹn i Jade ọke ọ ta taghene ọ sabu yono fọkiẹ ewian ri vuọnriẹn abọ-ọ?

• 

  Marhẹ i Neeta o ru roro rẹn i Jade ọke ọ ta taghene ọ vwọ sabu kwaphiẹ ekwakwa ye serhọ-ọ?