Oborẹ Akpenyerẹn i Samuel o Yonirin Ọwan

Samuel ọ fuevwan ga i Jehova ọsoso akpenyerẹn yen. Ọke ọ kamu, o kwe nẹ orharhere udje emọ Eli re se Hophni ọrhẹ i Phinehas, i biomie-e. (1Sa 2:22-26) Ọke i Samuel ọ ji ghwanran, Jehova no ji lelie rhirhiẹ ye. (1Sa 3:19) Ọke i Samuel ọ ho ne, nọ ji nya uvuẹn izede i Jehova, dedevwo emọyen e ru te omara-an.—1Sa 8:1-5.

Me ya na sabu yono nẹ udje i Samuel? Orhianẹ owẹwẹ uphuphẹn, vwo imwẹro taghene i Jehova o vwẹruọ egbobọse wa dẹrughwaroghwẹ ọrhẹ oborẹ oma o ruo lele. Ọye ọnọ sabu ha userhumu wẹn fiudugbere. (Isa 41:10, 13) Wu rhe rhiẹ ọmiọmọ rẹ ọmọyen o nẹ ukoko na, wu na sabu mẹrẹn uduẹharhaghwẹ we rhe taghene i Samuel ọ sabu gba emọyen ri te imirẹghwa ne nẹ aye i nyalele evwan i Jehova-a. Samuel ọ nyajẹ ẹmro na vwo rẹn i Jehova, nọ ji sẹrorẹ emevigbanhon ọnẹyen ji lẹrhẹ oma merhen i Jehova ro rhiẹ Ọsẹ ye obẹ odjuwu. Ọkezẹko omamọ uruemru ọnọ, ọnọ sabu mwu ọmọ ghwẹrioma bru i Jehova.

NI IVIDIO NA YONO MIE AYE—SAMUEL, ORHO RU GBA KPAHENRHỌ ENỌ ENANA:

• 

  Marhẹ i Samuel o ru fiudugbere ọke ọ kamu?

• 

  Marhẹ i Danny o ru dje uduefigbere phia?

• 

  Marhẹ i Samuel o ru dje omamọ udje phia ọke rọ ho ne?

• 

  Marhẹ eri vwiẹ i Danny i ru dje omamọ udje phia?