ENYERẸN ILELE KRISTI
Rhe Yono Kpahen Iroro Osolobrugwẹ
Ọwan i guọlọre nẹ kemru kemru re ruẹ ọ merhen Osolobrugwẹ oma. (Pr 27:11) Na sabu ruẹ ọnana, ene vi brorhiẹn ri serhọ rhẹ iroro yi, ọrhọ tobọ rhianẹ o vwo urhi yanghene akama ra ya rhotọre-e. Me yọ nọ sa ọwan erhumu?
Rhe yono i Baibol na ọke ephian. Kọke kọke re se i Baibol na, nọ họhọre taghene ọwan rhẹ i Jehova a ghwọghọ ọke rhẹ oma. Ana sabu yono kpahen iroro i Jehova nyoma a djokarhọ oborẹ o lele ihworho ri ruẹ obiobiomu yanghene orhorhomu ru kugbe. Orho te ọke re ne brorhiẹn ne, ẹhẹn ọfuanfon na ọnọ ha userhumu rẹn ọwan karorhọ iyono eghoghanren re se mẹrẹn bi ne uvuẹn i Baibol na.—Joh 14:26.
Guọlọ riaro rhọ. Wu rha dẹrughwaroghwẹ orhienbro, nọ oma, ‘Iyẹnrẹn yanghene ikuegbe i Baibol ọgo yọ nọ sa mẹ erhumu vwẹruọ ukẹro i Jehova ọ ha ni erhirhiẹ na?’ Nẹrhomo ni Jehova ọ ha userhumu wẹn, ji ha ekwakwa rẹ ukoko na o tiobọnu uvuẹn edjadjẹ ọnọ guọlọ iruemru-urhi Baibol ri sekpahen erhirhiẹ ọnọ, ne wu ha aye ruiruo.—Ps 25:4.
NI IVIDIO NA ỌWAN INA VI “ZẸ RHẸ EDIRIN”—RIẸ OMAMỌ EMAREN, ORHO RU GBA KPAHENRHỌ ENỌ ENANA:
Aruẹ ọhiẹn ego yẹ omizu ọgbọtọ uvuẹn ividio na ọ dẹrughwaroghwu?
Marhẹ wu ne ru sabu guọlọ iyẹnrẹn uvuẹn ẹbe ukoko na wu rha dẹrughwaroghwẹ aruẹ erhirhiẹ erana?
Marhẹ e ru mẹrẹn erere erhe fi ọke rhotọre guọlọ iyẹnrẹn yanghene ruẹ uyono omobọ ri na sa ọwan erhumu brorhiẹn ri serhọ?—Heb 5:13, 14