ENYERẸN ILELE KRISTI
Re Ghwoghwo Jeghwai Yono—Ọghanranren Na Sabu Ruẹ Idibo
Jesu o jurhi rẹn idibo yi taghene aye i ye ruẹ idibo. (Mt 28:19) Ọnana o surhobọmwu aghwoghwo ọrhẹ uyono. Nẹ ọke fiẹ ọke, o fori na nọ oma ọwan, ‘Marhẹ mi ne ru ru rhomurhọ uvuẹn eghọn aghwoghwo enana re ruẹ idibo ihworho?’
RE GHWOGHWO
Ukperẹ ana hẹrhẹ ihworho nẹ aye i bru ọwan rhe, ana vi ya guọlọ ihworho ri vwo “omwemẹ.” (Mt 10:11) Ọke ọwan e vwobọrhọ owian aghwoghwo na, ọwan a ha uphẹn re vwori ephian e ghwoghwo rẹn ‘ihworho ra mẹrẹnren’? (Ac 17:17) Fọkime ọnyikọ Paul o fiomarhọ owian aghwoghwo na ọyẹ ọsoriẹ Lydia o rhiẹ Olele Kristi.—Ac 16:13-15.
“Wọ ukeri ọnọ urhiọke wu vwe fiobọrhotọre bọmọke owuọnwọn ono ki te-e” (Ec 11:6)
NI IVIDIO NA WU VWA DOBỌ OWIAN AGHWOGHWO NA JI-I—AGHWOGHWO ỌRẸ KPREGEDE ỌRHẸ AGHWOGHWO ỌRẸ NẸ OGHWA RIẸ OGHWA, ORHO RU GBA KPAHENRHỌ ENỌ ENANA:
Uvuẹn irueruo i Samuel kẹdẹkẹdẹ, marhẹ o ru djephia taghene ọye ọ dabu guọlọ izede rọ nọ wọ ikeri urhomẹmro na?
Mesoriẹ ọwan ine vi vwo erhionrin uvuẹn eghọn aghwoghwo na ephian?
Ọrọmo wa mẹrẹn ọke ephian re wu ne ghwoghwo iyẹnrẹn esiri Uvie na riẹn?
RE YONO
Na sabu ruẹ idibo, ọwan ine vi ru vrẹn ọrẹ ana nyajẹ ẹbe vwo rẹn ihworho. Na ha userhumu rẹn aye ru riaro uvuẹn ogame Osolobrugwẹ, ọwan ine vi ru ẹrharhumu bru jeghwai yono aye i Baibol na. (1Co 3:6-9) Orhianẹ a damoma re ne yono ohworho urhomẹmro na, ọrẹn o mwu ohworho na mọ ga i Jehova vwo? (Mt 13:19-22) Ọwan ina ji rha guọlọ ihworho rẹ ọmudu aye ọ họhọ “omamọ otọre.”—Mt 13:23; Ac 13:48.
“Mia wọ, Apollos ọ kpọtọ, ọrẹn Osolobrugwẹ yọ lẹrhiẹ dua” (1Co 3:6)
NI IVIDIO NA WU VWA DOBỌ OWIAN AGHWOGHWO NA JI-I—AGHWOGHWO AFIEDE ỌRHẸ OWIAN RE RU IDIBO, ORHO RU GBA KPAHENRHỌ ENỌ ENANA:
Marhẹ i Solomon ọrhẹ Mary i ru kpọtọ ikeri urhomẹmro na ri ha uvuẹn ọmudu Ezekiel ọrhẹ Abigail?
Me yo fori na tẹnrovi uvuẹn eghọn owian aghwoghwo na sansan, tobọ te aghwoghwo afiede?
Marhẹ ọwan ine ru tẹnrovi ọghanronmẹ re ne yono awọrọ urhomẹmro na?