E RHE RUẸ ENA ỌWAN UVUẸN OWIAN AGHWOGHWO NA RHOMẸRHỌ Ha ọbe “Keep Yourselves in God’s Love” te Ẹhẹn Ọrẹ we Yono na

MESORIẸ ỌGHANREN: Ihworho ine vi yono kpahen irhi erẹ i Jehova jeghwai nyerẹn mwuie, nẹ aye sabu ga ye izede ro serhọ. (Isa 2:​3, 4) Ọbe “God’s Love” na, ọbe ọreva ra ha yono ihworho, ọ ha userhumu rẹn erẹ ọwan e yono, nẹ aye sabu mẹrẹn oborẹ iruemru-urhi Osolobrugwẹ o ru sekpahen akpenyerẹn aye. (Heb 5:14) Ọwan i vi damoma te ẹhẹn ihworho ọwan e yono na, nẹ aye sabu vwo omwemẹ aye ine ru ewene.​—⁠Ro 6:⁠17.

OBORẸ ENE RUIE LELE:

• Dabu mwuegbe, fi edamẹ ọrẹ we yono na rhẹ ẹhẹn. Nọ enọ re na sabu ha userhumu wẹn rhe oborẹ o roro, ọrhẹ ẹhẹn ro vwo kpahen ọbe ro yono na. ​—⁠Pr 20:5; be 259

• Ha ekpeti ri ha ọbe na sa ọrẹ we yono na erhumu, nọ mẹrẹn ọghanromẹ rọ nọ ha iruemru-urhi i Baibol na ruiruo

• Ha userhumu rẹn ọrẹ we yono no roro kpahen ẹmrọ ri sekpahen ẹhẹn obrorhiẹn, ọrẹn wu vwa djẹ odjẹ riẹ-ẹn.​—⁠Ga 6:5

• Ha ona ruiruo sẹ ọrẹ wa ha i Baibol yono na ọ guọlọ userhumu nọ sabu ha iruemru-urhi i Baibol ezẹko ruiruo. Jirie ha riẹn no ru ewene sekpahen ẹguọlọ ro vwo kpahen i Jehova.​—⁠ Pr 27:11; Joh 14:⁠31