Yono Aye Nẹ Aye i Rha Ga i Jehova Ọke Ephian

Oborerhiẹromẹrẹn o djephia taghene ighwoghwẹmro ekpokpọ re yono nẹ ọtonrhọ rhe, nẹ aye i vwobọrhọ ẹmro aghwoghwo na rhẹ oruru, e rhiẹ ighwoghwẹmro ri tẹn ona. (Pr 22:6; Php 3:16) Jenẹ a mẹrẹn irorẹdjẹ ezẹko oborẹ wu ne ru ha userhumu rẹn ọrẹ we yono na no vwo omamọ ọtonrhọ uvuẹn owian aghwoghwo na:

• Ogege e kwe ne ọrẹ we yono na orhiẹ oghwoghwẹmro, rhe yonie. (km 8/⁠15 1) Jirie ha riẹn no rhe ọghanromẹ rọ nọ ha ẹmro eghwoghwo na ba ẹkwaphiẹrhotọre ọnẹyen kọkprughwre kọkprughwre. (Php 1:10) Ta omamọ ẹmro kpahen okegbe we rhe ghwoghwo na. (Php 4:⁠8) Jirie ha riẹn no lele oniruo ẹko owian aghwoghwo ọrhẹ ighwoghwẹmro erọrọ wian, nọ sabu mẹrẹn erere nẹ ena aye.—Pr 1:5; km 10/⁠12 6 ¶3

  

• Ọrẹ we yono na orho bromarhame hin ne, rha ji ha udu rhẹ ọye aghwẹ jeghwai yonie ọke ephian uvuẹn owian aghwoghwo na, maido orho rhianẹ o ji yono ọbe “God’s Love” hi-in.—km 12/⁠13 7

  

• Ọke we lele oghwoghwẹmro ọkpokpọ wian uvuẹn owian aghwoghwo na, jenẹ ẹmro wu na haphia i lọhọ. Oghwoghwẹmro na ọrhọ ha ẹmro ọnẹyen phia hin, gbe jirie omamọ. Ha irorẹdjẹ phia ri na ha userhumu riẹn rhiẹ oghwoghwẹmro rọ tẹn ona.—km 5/⁠10 7