“Ọsoso Akpọ na na Djẹ Edjadjẹ Owu”

11:1-4, 6-9

Uvuẹn i Babel, Jehova o fi ohra rhẹ uvwre ituakpọ ri vwa huvwele nyoma o fi ọyanghan rhẹ edjadjẹ aye. Ọrẹn, inyenana o koko otu gbidigbidi nẹ uvuẹn egbamwa ọrhẹ edjadjẹ ephian jeghwai yono aye “edjadjẹ ro fiotọre, neneyo aye i sabu se odẹ i Jehova, jeghwai ga ye ọrẹ okugbe.” (Zep 3:9; Re 7:9) “Edjadjẹ ro fiotọre” ọnana, yẹ urhomẹmro kpahen i Jehova ọrhẹ ọhọre enẹyen ra mẹrẹn uvuẹn i Baibol na.

Ne yono edjadjẹ ọkpokpọ, ọ ghwẹ ọrẹ a ghwai rhe ikerẹmro ri ha uvuẹn edjadjẹ ọrana. O sekpahen ọrẹ ene yono kpahen ekwakwa ekpokpọ. Omaran ọ ji havwọ, ọwan i rhe yono kpahen urhomẹmro na, ọwan na sabu ruẹ ewene. (Ro 12:2) Ọnana oborẹ o fori ne rhe ruẹ ọke ephian na sabu vwo okugbe uvwre ihworho Osolobrugwẹ.—1Co 1:10