Me yi Jesu o Ruru Ọke rọ ha Uvuẹn Otọrakpọ na?

Ihworho buebun e roro taghene i Jesu ọmọboban, ọmẹraro ro vwo ẹghwanren, yanghene ọhworhare ro hwuẹ. Ọrẹn, me ya na ji sabu yono nẹ oborẹ o nyerakpọ lele ọke rọ ha uvuẹn otọrakpọ na? Uvuẹn uyono ọnana, ene yono kpahen ezẹko usuẹn ekwakwa eghoghanren ri Jesu o ruru, ọrhẹ oborẹ wu ne ru mẹrẹn erere nẹ aye.

1. Me yẹ owian i Jesu rọ mai ghanren?

Owian i Jesu rọ mai ghanren yẹ ọrẹ ono “ghwoghwo iyẹnrẹn esiri Uvie Osolobrugwẹ.” (Se Luke 4:43.) O ghwoghwo iyẹnrẹn esiri taghene Osolobrugwẹ ọnọ ha Uvie yanghene igọmẹti mwu, ro no ti ebẹnbẹn ituakpọ ephian nie.a Jesu ọ ha ẹgbukpe esa gbuphrophro wian gbangbanhon, rọ ta rẹn awọrọ kpahen iyẹnrẹn ọnana.—Matthew 9:35.

2. Mesoriẹ i Jesu o ru igbevwunu?

Baibol na o dje kpahen buebun usuẹn “ewian igbevwunu, ọrhẹ eka rẹ Osolobrugwẹ ọ haphia nyoma [i Jesu].” (Acts 2:22) Osolobrugwẹ ọ yi Jesu omẹgbanhon rọ sabu sun aruọke, ghẹrẹ ihworho ri vrẹn uriusionrin, simi ere kpomẹ, jeghwai rhọmọ eri hwuru rhiẹ akpọ. (Matthew 8:23-27; 14:15-21; Mark 6:56; Luke 7:11-17) Igbevwunu sansan ri Jesu o ruru, i dabu djephia taghene Osolobrugwẹ yo dje rie rhe. O ji djephia taghene i Jehova o vwo omẹgbanhon ro no fiobarhọ ebẹnbẹn ọwan ephian.

3. Me yẹ ọwan ina sabu yono nẹ akpenyerẹn i Jesu?

Jesu ọ huvwele i Jehova ọke ephian. (Se John 8:29.) Udabọ ẹkparehaso, Jesu ọ fuevwan ru oborẹ Ọsẹ ye ọ ta riẹn ephian, tobọ te ọke o ki hwu. Ọye o djephia taghene ituakpọ ina sabu ga Osolobrugwẹ, aye i rha dẹrughwaroghwu ebẹnbẹn egbogbanhon dede. Omarana, Jesu o dje “udje neneyo [ọwan] i ha kpahen idjaghwẹ ye kpẹnkpẹnkpẹn.”—1 Peter 2:21.

5. Jesu o yono ihworho iyono eghoghanren

Haba ọrẹ i Jesu o ghwoghwo iyẹnrẹn esiri Uvie Osolobrugwẹ, o ji yono ihworho iyono eghoghanren rẹ aye ina sabu ha ruiruo. Yono kpahen idje ezẹko rọ haphia uvuẹn Ẹmro rọ Tare Oberun Ugbenu. Se Matthew 6:14, 34 ọrhẹ 7:12, orho ru, are i gba kpahenrhọ enọ enana:

• Urhebro ọgo yi Jesu ọ haphia uvuẹn eghwẹmro enana ra na sabu ha ruiruo?

• Wu rorori taghene ana ji sabu ha urhebro ọnana ruiruo uvuẹn ọke ọwan na?

6. Jesu o ru igbevwunu sansan

Jehova yọ yi Jesu omẹgbanhon rọ sabu ru igbevwunu buebun. Ne wu sabu mẹrẹn udje owu, se Mark 5:25-34, yanghene kporo IVIDIO na. Orho ru, are i gba kpahenrhọ enọ enana.

IVIDIO: E Simi Ọmase ro Kpomẹ (5:10)

• Uvuẹn ividio na, imwẹro ọgo yẹ ọmase ro kpomẹ na o vwori?

• Me yọ merhenruọn oma kpahen igbevwunu ọnana?

Se John 5:36, orho ru, are i gba kpahenrhọ onọ ọnana:

• Marhẹ igbevwunu i Jesu o ruru, i ru “sẹ oseri” kpahiẹn?

ME WU YONORIN?

Jesu o ghwoghwori kpahen Uvie Osolobrugwẹ, o ru igbevwunu sansan, ọ jeghwai huvwele i Jehova ọke ephian.

Ẹzẹkoko

• Me yẹ owian i Jesu rọ mai ghanren ọke rọ ha uvuẹn otọrakpọ na?

• Me yẹ igbevwunu ri Jesu o ruru i djephia?

• Iyono eghoghanren ego yi Jesu o yono awọrọ?

GUỌLỌ IYẸNRẸN ERỌRỌ

Urhomu-ẹmro ọgo yi Jesu ọ mai ta kpahen?

“Uvie Osolobrugwẹ—Oborẹ o Mevirhọ Rẹn i Jesu” (Oghwa Odẹrẹ, October 1, 2014)

Yono kpahen oborẹ ọsoriẹ ono mwu ọwan ẹro taghene i Jesu o ghini ru igbevwunu sansan.

“Me ya na Sabu Yono nẹ Igbevwunu i Jesu?” (Oghwa Odẹrẹ, July 15, 2004)

Se kpahen oborẹ i Jesu ọ hẹrote ihworho lele, o ru lẹrhẹ ọhworhare owu wene akpenyerẹn ọnẹyen.

“Akpenyerẹn mẹ Ọvo yi Mie Roro Kpahan” (Oghwa Odẹrẹ, October 1, 2014)

Ni ekwakwa eghoghanren ezẹko ri Jesu o ruru, ọrhẹ oborẹ o ruru aye lele.

“Irueruo Kirighwo ri Sekpahen Akpenyerẹn i Jesu Uvuẹn Otọrakpọ na” (New World Translation of the Holy Scriptures, Appendix A7)