Tẹmro Izede Ikuegbe

Oborẹ i Philip o Ruru

IVIDIO: Philip o Ghwoghwo Rẹn Ọhworhare Onyẹ Ethiopia na

1. Ni IVIDIO na, yanghene se Acts 8:​30, 31. Orho ru, gbe roro kpahen enọ enana:

1. Marhẹ i Philip ọ tuẹn ẹmro na rhọ lele?

2. Mesoriẹ ọnana o rhiẹ izede ro serhọ rọ tuẹn ẹmro rhọ, jeghwai yono ọhworhare na urhomẹmro ọkpokpọ?

Me ya na Sabu Yono Mie i Philip?

2. Ọwan i rha tuẹn ẹmro ẹta rhọ izede ro serhọ, ohworho ra tẹmro riẹn na ono vwo ẹhẹn ro totọre ji ha uphẹn rẹn ọwan ne ghwoghwo riẹn.

Hẹrokele i Philip

3. Vwo oniso. Oborẹ ughwaro ohworho ọ havwọ ọrhẹ oborẹ o ruẹ lele, ọnọ sabu lẹrhẹ ọwan rhe sẹ ekwakwa i serhọ riẹn. Ohworho na o vwo omwemẹ ro no leluo tẹmro? Wu na sabu dje urhomẹmro i Baibol riẹn nyoma wu na nọ yen, “Wu rheri taghene . . . ?” Wu vwa gba ohworho tẹmro, orhianẹ ọ guọlọ kerhọ-ọ.

4. Vwo erhionrin. Wu vwe brokpakpa ta kpahen urhomẹmro i Baibo-ol. Guọlọ uphẹn ro serhọ, neneyo ẹmro na ọvo ọ sabu lele fiẹ urhomẹmro i Baibol. Ọkezẹko, ọnana o mevirhọ taghene wu na hẹrhẹ tẹ ọke ọrọrọ wa mẹrẹn ohworho na.

5. Wene lele erhirhiẹ na. Ohworho ọnọ sabu ta oborẹ o gberuo unu, yanghene oborẹ wu vwe fiẹrorhọ. Omarana, vwo omwemẹ wu na ta kpahen oborẹ o sekpahen ohworho na, ọrhọ tobọ rhianẹ rhẹ urhomẹmro i Baibol ọrana ye wu vwo rhẹ ẹhẹn bi-i.