Dje Uruemru Esiri Phia

Oborẹ i Jesu o Ruru

IVIDIO: Jesu o Simi Ọhworhare Owu ro Tuẹro

1. Ni IVIDIO na, yanghene se John 9:​1-7. Orho ru, gbe roro kpahen enọ enana:

1. Me yi Jesu o kiki ru—o simi ọhworhare na, gbinẹ o ghwoghwo riẹn?—Se John 9:​35-38.

2. Mesoriẹ ona i Jesu ọnana, ọ lẹrhẹ ọhworhare na vwo omwemẹ rhọ rọ nọ kerhọ iyẹnrẹn esiri na?

Me ya na Sabu Yono Mie i Jesu?

2. Ohworho ọrhọ djokarhọ taghene e vwo ọdamẹ kpahiẹn, ono mwuien kerhọ aghwoghwo ọwan.

Hẹrokele i Jesu

3. Roro Rẹn Ohworho na. Damoma fiomarhọ erhirhiẹ ohworho na.

1. Nọ oma: ‘Me yọ nọ sabu rhiẹ ọdamẹ riẹn vwana? Me yọ nọ sabu ha userhumu riẹn ji merhiẹn oma?’ Ọnana ọnọ lẹrhuọ sabu dje uruemru esiri phia, izede ro serhọ ro ji nẹ ẹhẹn rhe.

2. Dje rẹn ohworho na taghene wu vwo ọdamẹ kpahiẹn nyoma wu na dabu kerhọ ye. Ọrhọ ta ọdamẹ yen wẹn yanghene ta kpahen obẹnbẹn rọ dẹrughwaroghwẹ, wu vwe wene ẹmro na-a.

4. Tẹmro bọrọbọrọ, izede ro dje ọghọ phia. Wu rhe ghini vwo aruẹdọn kpahen ohworho na, ji guọlọ ha userhumu riẹn, ọnọ mẹriẹnvwrurhe uvuẹn uvwele ọnọ. Ha ẹmro ọrhẹ uvwele ro serhọ ruiruo, ji kẹnoma rẹn ẹmro ri na sabu lẹrhiẹ tuekwẹre.

5. Ha userhumu phia. Guọlọ uphẹn sansan wu na ha userhumu re rhiẹromẹrẹn phia rẹn ohworho na. Irueruo esiri wu ru rẹn ohworho ọnọ sabu lẹrhiẹ kerhọ.