Mi Mwuegbe ne?
Mi Mwuegbe mi ne Kwomakugbe Ukoko na Ghwoghwo?
Wu mwuegbe wu ne rhiẹ oghwoghwẹmro ro vwo ji bromarhame ne orhianẹ . . .
We yono i Baibol na, wa nẹrhomo, jeghwai riẹ iyono ukoko ọke ephian.
Wu vwo ẹguọlọ ọrhẹ imwẹro kpahen oborẹ we yono na, wu ji guọlọ ta rẹn awọrọ kpahiẹn.
Wu vwo ẹguọlọ kpahen i Jehova, we ji mwu igbehian rhẹ ihworho ri vwo ẹguọlọ kpahiẹn.
Wu tiomanẹ ẹko usuon oseghe yanghene ẹga efian ne.
We nyerẹnmwu evwan i Jehova ne, wu ji guọlọ rhiẹ owuọwan usuẹn Iseri Jehova.
Wu rhe roro taghene wu mwuegbe wu ne kwomakugbe ukoko na ghwoghwo ne, ọrọ hi Baibol yonuo ono ruẹ ẹkwaphiẹrhotọre ne wu vwoma rhẹ ekpako na, nẹ aye i leluo ta kpahiẹn, sẹ wu mwuovwan.
Mi Mwuegbe mi ne Bromarhame ne?
Wu mwuegbe wu ne Bromarhame ne orhianẹ . . .
Wẹwẹ oghwoghwẹmro ro vwo ji bromarhame.
We ruẹ ekete omẹgbanhon ọnọ o teri uvuẹn owian aghwoghwo na ọke ephian.
Wa hobọtua “ọvrẹn ra hẹrosua ro ji vwo ẹghwanren na,” jeghwai huvwele ọkpọvi aye.—Matthew 24:45-47.
Wu homakpahontọre rẹn i Jehova uvuẹn ẹrhomo ne, wu ji mwuegbe wu na ga ye bẹmẹdẹ.
Wu rhe roro taghene wu mwuegbe wu ne bromarhame ne, ọrọ hi Baibol yonuo ono ruẹ ẹkwaphiẹrhotọre ne wu vwoma rhẹ ekpako na, nẹ aye i leluo ta kpahiẹn, sẹ wu mwuovwan.