Irhomu-ẹmro ra na Sabu ha Ruẹ Uyono Omobọ Ọrhẹ Ogame Ekrun

Orhiẹ uvuẹn uyono ukoko, omẹvwa okinhariẹ ọrhẹ emẹvwa eduado ọvo yẹ ọwan a ha ẹga rẹn Jehova-a, ọrẹn owuowọnwan ọrhẹ ekrun sansan a ji ha ogame phia. Wu na sabu ha irorẹdjẹ enana ruẹ uyono omobọ ọrhẹ ogame ekrun:

• Mwuegbe rhẹ uyono ukoko. Wu na sabu yono ijoro na, ji ha userhumu rẹn ihworho ephian uvuẹn ekrun na mwuegbe ẹkpahenrhọ aye ina haphia.

• Se iyẹnrẹn owu uvuẹn i Baibol na. Orho ru, sin ifoto owu kpahen oborẹ ọ phiare uvuẹn iyẹnrẹn na, yanghene ya oborẹ wu yonorin rhotọre.

• Se aruẹ ẹrhomo owu rọ ha i Baibol na, ne wu ji ta kpahen oborẹ ono ru ha userhumu wẹn ruẹ ẹrhomo enọ rhomurhọ.

• Ni ividio ukoko na owu, ne wu ji ta kpahiẹn rhẹ awọrọ, yanghene ya udjoghwẹ owu kpahiẹn.

• Mwuegbe rhẹ owian aghwoghwo na, nyoma wu ne mwuegbe oborẹ wu na ta, ọrhẹ oborẹ wu na ta ye lele.

• Ni emama so, ji roro kodo kpahiẹn, yanghene ta kpahen oborẹ o yoniruon kpahen Jehova.a