ପରିଚର୍ଯ୍ୟାରେ—ପରିବାରର ସଦସ୍ୟମାନେ କିପରି ସମ୍ପୂର୍ଣ୍ଣରୂପେ ଭାଗ ନେବା ପାଇଁ ସହଯୋଗ କରନ୍ତି
ସ୍ୱାମୀ-ସ୍ତ୍ରୀ, ପିତାମାତା ଏବଂ ପିଲାମାନେ କ୍ଷେତ୍ର ପରିଚର୍ଯ୍ୟାରେ ମିଳିମିଶି କାର୍ଯ୍ୟ କରି ଯିହୋବାଙ୍କ ନାମକୁ ଲୋକମାନଙ୍କଠାରେ ଘୋଷଣା କରିବାଠାରୁ ଅଧିକ କʼଣ ଖୁସିର ବିଷୟ ହୋଇପାରେ? (ଗୀତ. ୧୪୮:୧୨, ୧୩) ସମସ୍ତ ପରିବାରଗୁଡ଼ିକୁ ଗତାନୁଗତିକ ଭାବରେ କ୍ଷେତ୍ର ପରିଚର୍ଯ୍ୟାରେ ସର୍ବଦା ଭାଗ ନେବା ଉଚିତ୍ । ପ୍ରତେକ ସପ୍ତାହରେ କ୍ଷେତ୍ର ପରିଚର୍ଯ୍ୟାରେ ଭାଗ ନେବା ନିମିତ୍ତ ଆପଣଙ୍କ ପରିବାର କʼଣ ଏକ ନିର୍ଦ୍ଦିଷ୍ଟ ଦିନ ସ୍ଥିର କରିଛନ୍ତି? ଯଦି ଆପଣ ସ୍ଥିର କରିଛନ୍ତି, ତେବେ ପ୍ରତ୍ୟେକ ସଦସ୍ୟ ଜାଣନ୍ତୁ ଯେ ସେ ସେହି ଦିନ କʼଣ କରିବ ଓ ସେ ପରିପର୍ଯ୍ୟାରେ ପୂର୍ଣ୍ଣରୂପେ ଭାଗ ନେଇ ପାରିବ ।—ହିତ. ୨୧:୫କ.
୨ ପ୍ରଚାର କାର୍ଯ୍ୟରେ କିପରି କଥାବାର୍ତ୍ତା ଆରମ୍ଭ କରାଯାଇପାରେ, ସେହି ବିଷୟ ଗୋଟିଏ ଦିନ ପୂର୍ବରୁ ଘରେ ସମସ୍ତେ ଏକାଠି ମିଳିମିଶି ପ୍ରସ୍ତୁତ ନ କରିବା କାହିଁକି? ଏହିପରି ପ୍ରସ୍ତୁତି କରିବା ଦ୍ୱାରା ଏବଂ ଏହାର ଅଭ୍ୟାସ କରିବା ଦ୍ୱାରା ବହୁତ ଲାଭ ହୁଏ ଓ ପରିବାରରେ ପରସ୍ପରକୁ ସହଯୋଗ କରିବା ମନୋବୃତି ବୃଦ୍ଧି ପାଏ । ସମସ୍ତ ପରିବାର ମିଶି ପ୍ରଚାର କାର୍ଯ୍ୟରେ ଯେତେବେଳେ ଭାଗ ନିୟନ୍ତି ଏବଂ ପ୍ରତ୍ୟେକ ସଦଶ୍ୟ ଭଲ ଭାବରେ କ୍ଷେତ୍ର ପରିଚର୍ଯ୍ୟା ନିମିତ୍ତ ପ୍ରସ୍ତୁତି କରନ୍ତି, ସେତେବେଳେ ସମସ୍ତ ପରିବାରର ସଦଶ୍ୟଙ୍କୁ କେତେ ଆଶିର୍ବାଦ ମିଳେ !
୩ ଜଣେ ଟ୍ରାଭେଲିଙ୍ଗ ଓଭରସିୟର ମ୍ୟାଗାଜିନ କାର୍ଯ୍ୟରେ ଗୋଟିଏ ପରିବାର ସହିତ ଗଲେ । ଯେତେବେଳେ ସେ ଘରେ ଘରେ ଜଣେ ଝିଅ ସହିତ ପ୍ରଚାର କାର୍ଯ୍ୟ କରୁଥଲେ, ସେହି ଝିଅଟି ପଚାରିଥିଲା: “ଆପଣ କେତେ ସମୟ ମୋ ସହିତ କାର୍ଯ୍ୟ କରିବେ?” ସେ ବୁଝାଇଥିଲେ ଯେ, ତାଙ୍କ ସହିତ କାର୍ଯ୍ୟ କଲା ପରେ ସେ ତାଙ୍କ ବାପାଙ୍କ ସହିତ କାର୍ଯ୍ୟ କରିବେ । ଏଥିରୁ ସ୍ପଷ୍ଟଭାବେ ବୁଝାପଡୁଥିଲା ଯେ ସେ ଓ ତାଙ୍କ ପିତା ସେମାନଙ୍କ ପରିଚର୍ଯ୍ୟାକୁ ପ୍ରକୃତରେ ଉପଭୋଗ କରନ୍ତି । ଏହା କେତେ ଉତ୍ତମ ଭାବନା !
୪ କେତେକ ପରିବାର ମିଳିମିଶି ବର୍ଷକରେ ଗୋଟିଏ ମାସ ଅଗ୍ଜ୍ୟୁଲରି ପାଇନିୟର କାର୍ଯ୍ୟ କରିପାରନ୍ତି । ଯଦି ସମ୍ଭବ ହିଏ, ଅତି କମରେ ପରିବାରର ଜଣେ ସଦସ୍ୟ ନିୟମିତରୂପେ ଅଗ୍ଜ୍ୟୁଲରି ପାଇନିୟରଭାବେ ପରିଚର୍ଯ୍ୟା କରିପାରନ୍ତି କିମ୍ବା ରେଗୁଲର ପାଇନୟରଭାବେ ମଧ୍ୟ ପରିଚର୍ଯ୍ୟା କରିପାରନ୍ତି । ସୁବ୍ୟବସ୍ଥା ଓ ସହଯୋଗ ଦ୍ୱାରା ପରିବାରର ସମସ୍ତ ସଦସ୍ୟ ପରିଚର୍ଯ୍ୟାରେ ବହୁତ ସମୟ ବିତାଇ ପାରିବେ ଏବଂ ଏହା ଦ୍ୱାରା ଯେଉଁ ସଦସ୍ୟ ପାଇନିୟର କାର୍ଯ୍ୟ କରୁଅଛି, ସେମାନେ ତାଙ୍କୁ ସାହାଯ୍ୟ କରି ପାରିବେ । ଯେତେବେଳେ ପରିବାରର ସମସ୍ତ ସଦସ୍ୟ ପରିଚର୍ଯ୍ୟାରେ ଅଧିକ କାର୍ଯ୍ୟ କରନ୍ତି ଓ ସେମାନଙ୍କୁ ପରିଚର୍ଯ୍ୟାରେ ଭଲ ଅନୁଭବ ହୁଏ, ସେତେବେଳେ ସେମାନନଙ୍କୁ ଆଶୀର୍ବାଦ ମିଳେ ।—ମଲାଖି. ୩:୧୦.
୫ ପ୍ରଚାର କାର୍ଯ୍ୟରେ ସମ୍ପୂର୍ଣ୍ଣରୁପେ ଭାଗ ନେବା ଦ୍ୱାରା ପରିବାର ମଧ୍ୟରେ ପ୍ରେମ ବୃଦ୍ଧି ପାଏ ଓ ସେମାନେ ଯିହୋବାଙ୍କ ସେବାରେ ଉତ୍ସାହୀ, ଫଳପ୍ରଦ ଓ ଖୁସି ହୋଇ ପାରିବେ !—ଫିଲି. ୨:୧, ୨ ପଦ ସହିତ ତୁଳନା କରନ୍ତୁ ।