ପ୍ରଚାର ସେବାରେ ଆମେ ନିଜ ଦକ୍ଷତା କିପରି ବଢ଼ାଇବା—ଶିଷ୍ୟ ହେବା ପାଇଁ ଭଲ ମନ ରଖୁଥିବା ବ୍ୟକ୍ତିମାନଙ୍କୁ ସାହାଯ୍ୟ କରନ୍ତୁ

ଏହା କାହିଁକି ମହତ୍ତ୍ୱପୂର୍ଣ୍ଣ: ଅନନ୍ତ ଜୀବନ ପାଇବା ପାଇଁ ଭଲ ମନ ରଖୁଥିବା ବ୍ୟକ୍ତିମାନଙ୍କ ହୃଦୟରେ ଯେଉଁ ସତ୍ୟର ବିହନ ବୁଣାଯାଏ, ତାକୁ ଯିହୋବା ବଢ଼ାଇଥାʼନ୍ତି । (ପ୍ରେରି ୧୩:୪୮; ୧କରି ୩:୭) ଆମେ ଯିହୋବାଙ୍କ ସଙ୍ଗେ ମିଶି କାମ କରିବା ଉଚିତ୍‌ ଏବଂ ଯେଉଁମାନେ ଶିଖିବା ମାତ୍ରେ ତାʼ ଅନୁଯାୟୀ ପଦକ୍ଷେପ ନିଅନ୍ତି, ସେମାନଙ୍କ ପ୍ରତି ଅଧିକ ଧ୍ୟାନ ଦେବା ଉଚିତ୍‌ । (୧କରି ୯:୨୬) ଆମେ ବାଇବଲ ବିଦ୍ୟାର୍ଥୀମାନଙ୍କୁ ଏହା ହୃଦୟଙ୍ଗମ କରାଇବା ଉଚିତ୍‌ ଯେ ଉଦ୍ଧାର ପାଇବାକୁ ହେଲେ ବାଯ୍ତିସ୍ମ ନେବା ଜରୁରୀ । (୧ପିତ ୩:୨୧) ଆମେ ସେମାନଙ୍କୁ ଶିଖାଇବା ଉଚିତ୍‌ ଯେ ସେମାନେ ନିଜ ଜୀବନରେ ପରିବର୍ତ୍ତନ କରନ୍ତୁ, ଅନ୍ୟମାନଙ୍କୁ ପ୍ରଚାର କରନ୍ତୁ ଓ ଶିଖାନ୍ତୁ ଏବଂ ନିଜ ଜୀବନ ଯିହୋବାଙ୍କୁ ସମର୍ପଣ କରନ୍ତୁ । ଏହିପରି ଭାବେ ସେମାନେ ଯୀଶୁଙ୍କ ଶିଷ୍ୟ ହୋଇପାରିବେ ।—ମାଥି ୨୮:୧୯, ୨୦.

ଏହା କିପରି କରିପାରିବା:

• ନିଜ ବାଇବଲ ବିଦ୍ୟାର୍ଥୀମାନଙ୍କୁ ମନେ ପକାଇ ଦିଅନ୍ତୁ ଯେ ଅଧ୍ୟୟନର ଉଦ୍ଦେଶ୍ୟ ହେଉଛି, ଯିହୋବାଙ୍କୁ “ଜାଣିବା” ଏବଂ ତାହାଙ୍କୁ ଖୁସି କରିବା ।—ଯୋହ ୧୭:୩

• ସେମାନଙ୍କ ଉନ୍ନତିରେ ଆସୁଥିବା ବାଧାଗୁଡ଼ିକୁ ଅତିକ୍ରମ କରିବାରେ ସେମାନଙ୍କୁ ସାହାଯ୍ୟ କରନ୍ତୁ, ଯେପରି— ବଦଭ୍ୟାସଗୁଡ଼ିକୁ ପରିତ୍ୟାଗ କରିବାରେ ଏବଂ କୁସଙ୍ଗତିଠାରୁ ଦୂରେଇ ରହିବାରେ

• ବାଯ୍ତିସ୍ମ ନେବା ପୂର୍ବରୁ ଏବଂ ପରେ ମଧ୍ୟ ସେମାନଙ୍କର ସାହସ ଓ ଉତ୍ସାହ ବଢ଼ାନ୍ତୁ ।—ପ୍ରେରି ୧୪:୨୨

ଯିହୋବା ଈଶ୍ୱର ଆପଣଙ୍କୁ ସାହାଯ୍ୟ କରିବେ (ହିନ୍ଦୀ) ନାମକ ଭିଡିଓ ଦେଖନ୍ତୁ । ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ଜଣେ ବ୍ୟକ୍ତିଙ୍କ ମନରେ କେଉଁସବୁ ଡର ଆସିପାରେ, ଯାହା ହୁଏତ ତାଙ୍କ ସମର୍ପଣ ଓ ବାଯ୍ତିସ୍ମ ନେବାର ନିଷ୍ପତ୍ତିରେ ବାଧା ଆଣିପାରେ?

• ପ୍ରାଚୀନମାନେ ବାଇବଲ ବିଦ୍ୟାର୍ଥୀମାନଙ୍କୁ ଉନ୍ନତି କରିବାରେ କିପରି ସାହାଯ୍ୟ କରିପାରିବେ?

• ଯିଶାଇୟ ୪୧:୧୦ ପଦରୁ ଆମେ ଯିହୋବାଙ୍କ ବିଷୟରେ କʼଣ ଶିଖୁ?

• ଯଦିଓ ଆମେ ଅସିଦ୍ଧ, ତଥାପି ଆମଠାରେ କେଉଁସବୁ ଗୁଣ ରହିଲେ ଆମେ ଯିହୋବାଙ୍କ ସେବା ସଠିକ୍‌ ଭାବେ କରିପାରିବା?