“ସମୁଦାୟ ପୃଥିବୀରେ ଏକ ଭାଷା ଥିଲା”

୧୧:୧-୪, ୬-୯

ବାବିଲରେ ଯିହୋବା ବିଦ୍ରୋହୀ ମଣିଷମାନଙ୍କ ଭାଷାରେ ଭେଦ ବା ଭ୍ରାନ୍ତ ଜନ୍ମାଇ ସେମାନଙ୍କୁ ଛିନ୍ନଭିନ୍ନ କରିଦେଲେ । ଆଜି ଯିହୋବା ସବୁ ରାଷ୍ଟ୍ର ଓ ଭାଷାରୁ ଏକ ମହା ଜନତାକୁ ଏକତ୍ରୀତ କରୁଛନ୍ତି ଏବଂ ସେମାନେ ଯେପରି ‘ଯିହୋବାଙ୍କ ନାମରେ ପ୍ରାର୍ଥନା କରିବେ ଓ ଏକମନରେ ତାହାଙ୍କର ସେବା କରିବେ,’ ଏଥିପାଇଁ ସେ ସେମାନଙ୍କୁ “ବିଶୁଦ୍ଧ ଭାଷା” ଦେଉଛନ୍ତି । (ସିଫ ୩:୯; ପ୍ରକା ୭:୯) ଏହି “ବିଶୁଦ୍ଧ ଭାଷା” ହେଉଛି, ଯିହୋବା ଈଶ୍ୱର ଓ ତାହାଙ୍କ ଉଦ୍ଦେଶ୍ୟ ବିଷୟରେ ସତ୍ୟତା, ଯାହା ତାହାଙ୍କ ବାକ୍ୟ ବାଇବଲରେ ମିଳେ ।

କୌଣସି ଏକ ନୂଆ ଭାଷା ଶିଖିବାର ଅର୍ଥ ଏହା ନୁହେଁ ଯେ ଆମେ କିଛି ଶବ୍ଦକୁ ମୁଖସ୍ଥ କରିନେବା, ବରଂ ଏହା ପାଇଁ ଆମକୁ ନୂଆ ଉପାୟରେ ଭାବିବାକୁ ହେବ । ଠିକ୍‌ ସେହିପରି, ଯେତେବେଳେ ଆମେ ସତ୍ୟର ବିଶୁଦ୍ଧ ଭାଷା ଶିଖୁ, ସେତେବେଳେ ଆମ ଚିନ୍ତାଧାରାରେ ପରିବର୍ତ୍ତନ ଆସେ । (ରୋମୀ ୧୨:୨) ଆମକୁ ଏହି ଭାଷା ଶିଖିବା ଜାରି ରଖିବାକୁ ହେବ । ଏପରି କରିବା ଦ୍ୱାରା ଈଶ୍ୱରଙ୍କ ଲୋକମାନଙ୍କ ମଧ୍ୟରେ ଏକତା ରହିବ ।—୧କରି ୧:୧୦.