ଖ୍ରୀଷ୍ଟୀୟ ଜୀବନଯାପନ କରନ୍ତୁ
ପ୍ରତ୍ୟେକ ବ୍ୟକ୍ତିଙ୍କୁ ପ୍ରଚାର କରିବା ପାଇଁ ବ୍ୟବସ୍ଥିତ
ଯିହୋବା ଯେପରି ଇସ୍ରାଏଲୀୟମାନଙ୍କୁ ବ୍ୟବସ୍ଥିତ କରିଥିଲେ, ସେହିପରି ସେ ଆଜି ପ୍ରଚାର କାମ କରିବା ପାଇଁ ମଧ୍ୟ ନିଜ ଲୋକମାନଙ୍କୁ ବ୍ୟବସ୍ଥିତ କରିଛନ୍ତି । ସାରା ପୃଥିବୀରେ ଥିବା ଶାଖା କାର୍ଯ୍ୟାଳୟ, ଭିନ୍ନ ଭିନ୍ନ ସର୍କିଟ, ମଣ୍ଡଳୀଗୁଡ଼ିକ, ଓ ପ୍ରଚାର ସମୂହଗୁଡ଼ିକ ଏକା ସାଙ୍ଗରେ ମିଶି କାମ କରୁଛନ୍ତି । ତେଣୁ ପ୍ରଚାର କାମ ଆହୁରି ଅଧିକ କରାଯାଇପାରୁଛି । ଆମେ ସମସ୍ତଙ୍କୁ ପ୍ରଚାର କରୁ, ଏପରିକି ଅନ୍ୟ ଭାଷା କହୁଥିବା ଲୋକମାନଙ୍କୁ ମଧ୍ୟ ।—ପ୍ରକା ୧୪:୬, ୭.
କʼଣ ଆପଣ ଅନ୍ୟ ଭାଷା ଶିଖିବା ପାଇଁ ଭାବିଛନ୍ତି ? ଯଦି ଆପଣଙ୍କ ପାଖରେ ନୂଆ ଭାଷା ଶିଖିବା ପାଇଁ ସମୟ ନାହିଁ, ତେବେ JW ଲାଙ୍ଗୁଏଜ୍ ଆପ୍ ବ୍ୟବହାର କରିପାରିବେ । ଏହି ଆପ୍ ସାହାଯ୍ୟରେ ଆପଣ କମ୍ ଶବ୍ଦରେ ଅନ୍ୟ ଭାଷାରେ ସାକ୍ଷ୍ୟ ଦେବା ପାଇଁ ଶିଖିପାରିବେ । ଆଉ ଯେତେବେଳେ ଆପଣ ସେହି ଭାଷାରେ ସାକ୍ଷ୍ୟ ଦେବେ, ଆପଣଙ୍କୁ ବହୁତ ଖୁସି ମିଳିବ । ପ୍ରଥମ ଶତାବ୍ଦୀରେ ମଧ୍ୟ ଯେତେବେଳେ ଖ୍ରୀଷ୍ଟିୟାନମାନେ ଲୋକଙ୍କୁ ସେମାନଙ୍କ ଭାଷାରେ “ଈଶ୍ୱରଙ୍କ ମହତ୍ ମହତ୍ କର୍ମ” ବିଷୟରେ ଜଣାଇଲେ, ଖ୍ରୀଷ୍ଟିୟାନମାନଙ୍କୁ ବହୁତ ଖୁସି ମିଳିଲା ।—ପ୍ରେରି ୨:୭-୧୧.
ଯିହୋବାଙ୍କ ମିତ୍ର ହୁଅ—ଅନ୍ୟ ଭାଷାରେ ପ୍ରଚାର କର ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ଆପଣ କେତେବେଳେ JW ଲାଙ୍ଗୁଏଜ୍ ଆପ୍ ବ୍ୟବହାର କରିପାରିବେ ?
ଏହି ଆପ୍ରେ କʼଣ କʼଣ ଫିଚର୍ ରହିଛି ?
ସବୁ ଭାଷାର ଲୋକମାନଙ୍କ ପାଖରେ ସୁସମାଚାର ପହଞ୍ଚିବା ଜରୁରୀ
ଆପଣଙ୍କ ଅଞ୍ଚଳରେ ଲୋକେ କେଉଁ କେଉଁ ଭାଷା କୁହନ୍ତି ?
ଯଦି ଆପଣ ଅନ୍ୟ ଭାଷା କହୁଥିବା ଜଣେ ବ୍ୟକ୍ତିଙ୍କୁ ଭେଟନ୍ତି ଯିଏ ଆଗ୍ରହ ଦେଖାନ୍ତି, ତେବେ ଆପଣ କʼଣ କରିବା ଉଚିତ୍ ?—ସଂଗଠିତ (ହିନ୍ଦୀ) ପୃ ୧୦୦-୧୦୧ ¶୩୯-୪୧