ମନପ୍ରାଣ ଦେଇ ଶିଖାନ୍ତୁ

ଯୀଶୁ କʼଣ କଲେ ?

ଭିଡିଓ: ଯୀଶୁ ନୀକଦୀମଙ୍କୁ ଶିଖାଇଲେ

୧. ଭିଡିଓ ଦେଖନ୍ତୁ କିମ୍ବା ଯୋହନ ୩:୧, ୨ ପଢ଼ନ୍ତୁ । ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ବିଷୟରେ ଭାବନ୍ତୁ:

1. କ. ନୀକଦୀମ କାହିଁକି ଯୀଶୁଙ୍କୁ ଭେଟିବା ପାଇଁ ରାତିରେ ଆସିଥିବେ ?—ଯୋହନ ୧୨:୪୨, ୪୩ ଦେଖନ୍ତୁ ।

2. ଖ. ଯୀଶୁ ମଧ୍ୟ ତାଙ୍କ ସହ ରାତିରେ ଭେଟିବା ପାଇଁ ପ୍ରସ୍ତୁତ ଥିଲେ । ଏଥିରୁ କିପରି ଜଣାପଡ଼େ ଯେ ସେ ଲୋକମାନଙ୍କୁ ମନପ୍ରାଣ ଦେଇ ଶିଖାଉଥିଲେ ?

ଯୀଶୁଙ୍କଠାରୁ ଆମେ କʼଣ ଶିଖୁ ?

୨. ଯଦି ଲୋକମାନଙ୍କ ପାଇଁ ଆମ ଭିତରେ ପ୍ରେମ ଥିବ, ତାହେଲେ ଆମେ ସେମାନଙ୍କୁ ଶିଖାଇବା ପାଇଁ କଠିନ ପରିଶ୍ରମ କରିବା ଓ ମନପ୍ରାଣ ଦେଇ ଶିଖାଇବା ।

ଯୀଶୁଙ୍କ ଭଳି ଆମକୁ କʼଣ କରିବା ଉଚିତ୍‌ ?

୩. ଦେଖନ୍ତୁ ଯେ ବିଦ୍ୟାର୍ଥୀ କେବେ ଓ କେଉଁଠି ଅଧ୍ୟୟନ କରିବାକୁ ଚାହେଁ । ତାକୁ ପଚାରନ୍ତୁ ଯେ ସେ ସପ୍ତାହର କେଉଁ ଦିନ ଓ କେତେବେଳେ ଅଧ୍ୟୟନ କରିବାକୁ ଚାହେଁ । ସେ କେଉଁଠାରେ ଅଧ୍ୟୟନ କରିବାକୁ ଚାହିଁବ ? ନିଜ କାମ ଜାଗାରେ, ନିଜ ଘରେ ନା ଅନ୍ୟ କୌଣସି ଜାଗାରେ ? ଆପଣ ନିଜ ବିଦ୍ୟାର୍ଥୀର ପସନ୍ଦକୁ ଧ୍ୟାନରେ ରଖି ସମୟ ଓ ଜାଗା ସ୍ଥିର କରିବା ପାଇଁ ପୂରା ଚେଷ୍ଟା କରନ୍ତୁ ।

୪. ପ୍ରତି ସପ୍ତାହ ଅଧ୍ୟୟନ କରନ୍ତୁ । ଯଦି ଆପଣଙ୍କୁ ଲାଗେ ଯେ ଆପଣ କୌଣସି ଦିନ ଅଧ୍ୟୟନ କରାଇପାରିବେ ନାହିଁ, ତାହେଲେ ଭାବନ୍ତୁ:

1. କ. କʼଣ ମୁଁ ସପ୍ତାହର ଅନ୍ୟ କୌଣସି ଦିନ ଅଧ୍ୟୟନ କରାଇପାରିବି ?

2. ଖ. କʼଣ ମୁଁ ଫୋନ୍‌ କିମ୍ବା ଭିଡିଓ କଲ୍‌ ଜରିଆରେ ଅଧ୍ୟୟନ କରାଇପାରିବି ?

3. ଗ. କʼଣ ମୁଁ ଅନ୍ୟ କୌଣସି ଭାଇ କିମ୍ବା ଭଉଣୀଙ୍କୁ ଅଧ୍ୟୟନ କରାଇବା ପାଇଁ କହିପାରିବି ?

୫. ସଠିକ୍‌ ଦୃଷ୍ଟିକୋଣ ରଖିବା ପାଇଁ ପ୍ରାର୍ଥନା କରନ୍ତୁ । ହୁଏତ ଆପଣଙ୍କର ବିଦ୍ୟାର୍ଥୀ ବେଳେ ବେଳେ ଅଧ୍ୟୟନ କରିପାରେନି କିମ୍ବା ତାକୁ ବାଇବଲର କୌଣସି କଥା ମାନିବା କଷ୍ଟକର ଲାଗେ । ଏପରି ସମୟରେ ମନପ୍ରାଣ ଦେଇ ଶିଖାଇବା ଜାରି ରଖିବା ପାଇଁ ଯିହୋବାଙ୍କୁ ସାହାଯ୍ୟ ମାଗନ୍ତୁ । (ଫିଲିପ୍‌. ୨:୧୩) ଆପଣ ନିଜ ବିଦ୍ୟାର୍ଥୀମାନଙ୍କର ଦୁର୍ବଳତାଗୁଡ଼ିକ ଉପରେ ଧ୍ୟାନ ଦେବା ପରିବର୍ତ୍ତେ ଭଲ ଗୁଣଗୁଡ଼ିକ ଉପରେ ଧ୍ୟାନ ଦେବା ପାଇଁ ପ୍ରାର୍ଥନା କରନ୍ତୁ ।