ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଆନନ୍ଦରେ ଗୀତ ଗାଇ ଯିହୋବାଙ୍କର ପ୍ରଶଂସା କରନ୍ତୁ
ପାଉଲ ଓ ଶୀଲା ଯେତେବେଳେ ଜେଲ୍ରେ ଥିଲେ, ସେମାନେ ଗୀତ ଗାଇ ଯିହୋବାଙ୍କର ପ୍ରଶଂସା କଲେ । (ପ୍ରେରି ୧୬:୨୫) ଏଥିରେ କୌଣସି ସନ୍ଦେହ ନାହିଁ ଯେ ଏହାଦ୍ୱାରା ସେମାନଙ୍କୁ ନିଜ କଷ୍ଟକୁ ସହିବା ପାଇଁ ନିଶ୍ଚୟ ସାହସ ମିଳିଥିବ । ଆମେ ସଭାରେ ଗୀତଗୁଡ଼ିକ ଗାଇଥାଉ । ଏହା ଛଡ଼ା, ଆମ ପାଖରେ ବ୍ରୋଡକାଷ୍ଟିଙ୍ଗ୍ ଗୀତଗୁଡ଼ିକ ମଧ୍ୟ ରହିଛି । ଯେତେବେଳେ ଆମେ ମଧ୍ୟ କୌଣସି ସମସ୍ୟାକୁ ସାମନା କରୁ, ସେତେବେଳେ ଏହି ଗୀତଗୁଡ଼ିକ ଆମର ଉତ୍ସାହ ବଢ଼ାଏ ଏବଂ ବିଶ୍ୱସ୍ତ ରହିବା ପାଇଁ ଆମକୁ ସାହସ ଯୋଗାଏ । ଏହାଠୁ ମଧ୍ୟ ମହତ୍ତ୍ୱପୂର୍ଣ୍ଣ କଥା ହେଉଛି, ଏ ଗୀତଗୁଡ଼ିକରୁ ଯିହୋବାଙ୍କର ମହିମା ହୋଇଥାଏ । (ଗୀତ ୨୮:୭) ଅତି କମ୍ରେ କିଛି ଗୀତର ବୋଲ ମନେ ରଖିବା ପାଇଁ ଆମକୁ ଉତ୍ସାହିତ କରାଯାଏ । କʼଣ ଆପଣ ଏପରି କରିବା ପାଇଁ ଚେଷ୍ଟା କରିଛନ୍ତି? ଆମେ ପାରିବାରିକ ଉପାସନାରେ ଗୀତଗୁଡ଼ିକର ଅଭ୍ୟାସ କରିପାରିବା ଏବଂ ସେଗୁଡ଼ିକର ବୋଲକୁ ମୁଖସ୍ଥ କରିପାରିବା ।
ପିଲାମାନେ ଗୀତ ଗାଇ ଯିହୋବାଙ୍କ ମହିମା କରନ୍ତି (ହିନ୍ଦୀ) ନାମକ ଭିଡିଓ ଦେଖନ୍ତୁ ଏବଂ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ରାଜ୍ୟ ଗୀତ ଗାଇବା ଦ୍ୱାରା ଆମ ଉପରେ କʼଣ ଭଲ ପ୍ରଭାବ ପଡ଼ିପାରେ?
ଅଡିଓ/ଭିଡିଓ ବିଭାଗ ଗୀତଗୁଡ଼ିକର ରେକଡିଙ୍ଗ୍ କରିବା ପାଇଁ କିପରି ପ୍ରସ୍ତୁତି କରେ?
ପିଲାମାନେ ଓ ସେମାନଙ୍କ ବାପାମାଆ ରେକଡିଙ୍ଗ୍ ପାଇଁ କିପରି ପ୍ରସ୍ତୁତି କରନ୍ତି?
କେଉଁ ରାଜ୍ୟ ଗୀତଟିକୁ ଆପଣ ବହୁତ ପସନ୍ଦ କରନ୍ତି ଏବଂ କାହିଁକି?