ଖ୍ରୀଷ୍ଟୀୟ ଜୀବନଯାପନ କରନ୍ତୁ
‘ପାଉଲ ଈଶ୍ୱରଙ୍କ ଧନ୍ୟବାଦ କରି ସାହସ ପାଇଲେ’
ଯେତେବେଳେ ରୋମ୍ର ଭାଇଭଉଣୀମାନେ ଶୁଣିବାକୁ ପାଇଲେ ଯେ ପାଉଲ ଆସୁଛନ୍ତି, କିଛି ଭାଇ ପ୍ରାୟ ୬୪ କି.ମି. ଯାତ୍ରା କରି ତାଙ୍କୁ ଭେଟିବାକୁ ଗଲେ । ସେମାନଙ୍କ ଏହି ପ୍ରେମ ଓ ତ୍ୟାଗ ଦେଖି ପାଉଲଙ୍କୁ କିପରି ଲାଗିଲା? ସେ “ସେମାନଙ୍କୁ ଦେଖି ଈଶ୍ୱରଙ୍କ ଧନ୍ୟବାଦ କରି ସାହସ ପାଇଲେ ।” (ପ୍ରେରି ୨୮:୧୫) ପାଉଲ ସାଧାରଣତଃ ମଣ୍ଡଳୀଗୁଡ଼ିକୁ ପରିଦର୍ଶନ କରୁଥିଲେ ଏବଂ ଭାଇମାନଙ୍କୁ ମଜବୁତ୍ କରୁଥିଲେ । କିନ୍ତୁ ଏଥର ଭାଇମାନଙ୍କଠାରୁ ତାଙ୍କୁ ସାହସ ମିଳିଲା । କାରଣ ବର୍ତ୍ତମାନ ସେ ଜଣେ କଏଦୀ ଥିଲେ ।—୨କରି ୧୩:୧୦.
ଆଜି ସର୍କିଟ ଅଧ୍ୟକ୍ଷ୍ୟମାନେ ମଣ୍ଡଳୀର ପରିଦର୍ଶନ କରନ୍ତି ଏବଂ ଭାଇଭଉଣୀମାନଙ୍କର ବିଶ୍ୱାସ ମଜବୁତ୍ କରିଥାʼନ୍ତି । ଈଶ୍ୱରଙ୍କ ଅନ୍ୟ ସେବକମାନଙ୍କ ଭଳି ସେମାନେ ମଧ୍ୟ ଅନେକ ଥର ଥକିଯାʼନ୍ତି, ଚିନ୍ତାର ସାମନା କରନ୍ତି ଏବଂ ନିରାଶ ହୋଇଯାʼନ୍ତି । ତେଣୁ ଆଗାମୀ ଥରକୁ ଯେତେବେଳେ ସର୍କିଟ ଅଧ୍ୟକ୍ଷ ଓ ତାଙ୍କ ପତ୍ନୀ ଆପଣଙ୍କ ମଣ୍ଡଳୀକୁ ଆସିବେ, ସେତେବେଳେ ଆପଣ କିପରି ସେମାନଙ୍କ ଉତ୍ସାହ ବଢ଼ାଇପାରିବେ ସେବିଷୟରେ ଭାବନ୍ତୁ । ଏପରି କରିବା ଦ୍ୱାରା ଆପଣ ‘ଅନ୍ୟମାନଙ୍କ ମଧ୍ୟରେ ସେମାନଙ୍କ ସହିତ ଉତ୍ସାହ ପ୍ରାଯ୍ତ’ ହେବେ ।—ରୋମୀ ୧:୧୧, ୧୨.
ପ୍ରଚାର ସେବାର ସଭାକୁ ଯାʼନ୍ତୁ । ଏହି ବିଶେଷ ସଯ୍ତାହରୁ ଲାଭ ପାଇବା ପାଇଁ ଯେତେବେଳେ ପ୍ରଚାରକମାନେ ତ୍ୟାଗ କରନ୍ତି, ସର୍କିଟ ଅଧ୍ୟକ୍ଷଙ୍କୁ ବହୁତ ଉତ୍ସାହ ମିଳେ । (୧ଥେସ ୧:୨, ୩; ୨:୨୦) ଭାଇ ପରିଦର୍ଶନ କରୁଥିବା ମାସରେ ସହଯୋଗୀ ଅଗ୍ରଦୂତ ସେବା କରିବା ପାଇଁ ଚେଷ୍ଟା କରନ୍ତୁ । ଆପଣ ଭାଇ ଓ ତାଙ୍କ ପତ୍ନୀଙ୍କ ସହ ପ୍ରଚାର କରିପାରିବେ କିମ୍ବା ସେମାନଙ୍କ ମଧ୍ୟରୁ ଜଣଙ୍କୁ ବାଇବଲ ଅଧ୍ୟୟନରେ ନେଇଯାଇପାରିବେ । ସେମାନଙ୍କୁ ଭିନ୍ନ ଭିନ୍ନ ପ୍ରଚାରକମାନଙ୍କ ସହ ସେବା କରିବାକୁ ଭଲ ଲାଗେ । ଏପରିକି ଯେଉଁମାନେ ନୂଆ ଅଟନ୍ତି କିମ୍ବା ନିଜକୁ ଅଯୋଗ୍ୟ ମନେ କରନ୍ତି, ସେମାନଙ୍କ ସହିତ ମଧ୍ୟ ସେବା କରିବାରେ ସେମାନେ ଆନନ୍ଦ ପାʼନ୍ତି ।
ଅତିଥି ସତ୍କାର କରନ୍ତୁ । କʼଣ ଆପଣ ସର୍କିଟ ଅଧ୍ୟକ୍ଷ ଓ ତାଙ୍କ ପତ୍ନୀଙ୍କୁ ନିଜ ଘରେ ରଖିପାରିବେ କିମ୍ବା ଖାଇବାକୁ ନିମନ୍ତ୍ରଣ କରିପାରିବେ? ସେମାନେ ଏହା ଦେଖି ବହୁତ ଖୁସି ହେବେ ଯେ ଆପଣ ସେମାନଙ୍କୁ କେତେ ପ୍ରେମ କରନ୍ତି । ଆପଣ ସେମାନଙ୍କ ପାଇଁ ବହୁତଗୁଡ଼ିଏ ଆୟୋଜନ କରିବା ଜରୁରୀ ନୁହେଁ, କାରଣ ସେମାନେ ଏପରି ଚାହାନ୍ତି ନାହିଁ ।—ଲୂକ ୧୦:୩୮-୪୨.
ଭାଇଙ୍କ ନିର୍ଦ୍ଦେଶ ଓ ପରାମର୍ଶକୁ ଶୁଣନ୍ତୁ ଏବଂ ପାଳନ କରନ୍ତୁ । ସର୍କିଟ ଅଧ୍ୟକ୍ଷ ଆମକୁ କୋମଳତାର ସହ ବୁଝାନ୍ତି ଯେ ଆମେ ଯିହୋବାଙ୍କ ସେବା ଆହୁରି ଭଲ ଭାବେ କିପରି କରିପାରିବା । ହୁଏତ ସେ ଆମକୁ କଡ଼ା ପରାମର୍ଶ ମଧ୍ୟ ଦିଅନ୍ତି । (୧କରି ୫:୧-୫) ଯଦି ଆମେ ମରାମର୍ଶ ମାନିବା ଏବଂ ଅଧୀନରେ ରହିବା, ତେବେ ତାଙ୍କୁ ବହୁତ ଖୁସି ମିଳିବ ।—ଏବ୍ରୀ ୧୩:୧୭.
ସେମାନଙ୍କୁ କୃତଜ୍ଞତା ଜଣାନ୍ତୁ । ସର୍କିଟ ଅଧ୍ୟକ୍ଷ ଓ ତାଙ୍କ ପତ୍ନୀଙ୍କୁ କୁହନ୍ତୁ ଯେ ସେମାନଙ୍କ ପରିଶ୍ରମରୁ ଆପଣଙ୍କୁ କେତେ ଲାଭ ମିଳିଛି । ଆପଣ ଚାହିଁଲେ ଏକଥା କାର୍ଡ଼ରେ ଲେଖି ମଧ୍ୟ ସେମାନଙ୍କୁ ଦେଇପାରିବେ ।—କଲ ୩:୧୫.