ପୁରାତନ ସ୍ୱଭାବ ପରିତ୍ୟାଗ କରି ନୂତନ ସ୍ୱଭାବ ପରିଧାନ କର

୩:୫-୧୪

ଯେତେବେଳେ ଆପଣ ସତ୍ୟକୁ ଆପଣାଇଥିଲେ, କʼଣ ଆପଣ ନିଜ ସ୍ୱଭାବରେ ବଡ଼ ବଡ଼ ପରିବର୍ତ୍ତନ ଆଣିଥିଲେ ? ଆପଣ ନିଶ୍ଚିତ ହୁଅନ୍ତୁ ଯେ ସେସବୁ ପରିବର୍ତ୍ତନ ଦେଖି ଯିହୋବା ବହୁତ ଖୁସି ହୋଇଥିବେ। (ଯିହି ୩୩:୧୧) କିନ୍ତୁ ଯଦି ଆମେ ନୂତନ ସ୍ୱଭାବ ପିନ୍ଧିଥିବାକୁ ଚାହୁଁ ଏବଂ ପୁରାତନ ସ୍ୱଭାବର କାମଗୁଡ଼ିକଠାରୁ ଦୂରେଇ ରହିବାକୁ ଚାହୁଁ, ତେବେ ଆମକୁ ଲଗାତାର ପରିଶ୍ରମ କରିବାକୁ ହେବ। ତଳେ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ ଏବଂ ଜାଣନ୍ତୁ ଯେ ଆପଣ କେଉଁ କେଉଁ କ୍ଷେତ୍ରରେ ଉନ୍ନତି କରିପାରିବେ:

• ଯଦି ପୂର୍ବେ କେହି ମୋ ବିରୁଦ୍ଧରେ କିଛି କହିଥିଲା, କିମ୍ବା ମୋ ପ୍ରତି ଅନ୍ୟାୟ କରିଥିଲା, ତେବେ କʼଣ ମୁଁ ଏପର୍ଯ୍ୟନ୍ତ ତାʼ ଉପରେ ରାଗ ରଖିଛି ?

• କʼଣ ମୁଁ ଏପରି ସମୟରେ ମଧ୍ୟ ଧୈର୍ଯ୍ୟ ଧରେ, ଯେତେବେଳେ ମୁଁ ତରବରରେ ଥାଏ, କିମ୍ବା ଥକି ଯାଇଥାଏ ?

• ଯଦି ମୋ ମନରେ କୌଣସି ଅନୈତିକ ଚିନ୍ତା ପଶେ, ତେବେ କʼଣ ମୁଁ ତାକୁ ତୁରନ୍ତ ନିଜ ମନରୁ କାଢ଼େ ?

• କʼଣ ମୁଁ କୌଣସି ଜାତି କିମ୍ବା ଦେଶର ଲୋକଙ୍କ ବିଷୟରେ ଭୁଲ୍‌ ଚିନ୍ତାଧାରା ରଖେ ?

• କʼଣ ମୁଁ ନିକଟ ଅତୀତରେ କାହାରି ସହ ରୁକ୍ଷ ବ୍ୟବହାର କରିଥିଲି କିମ୍ବା ଅତି ରାଗି ଯାଇଥିଲି ?