ଖ୍ରୀଷ୍ଟୀୟ ଜୀବନଯାପନ କରନ୍ତୁ
କʼଣ ଆପଣ ‘ରାଜ୍ୟ ପ୍ରଚାରକଙ୍କ ପାଇଁ ସ୍କୁଲରେ’ ଯିବାକୁ ଚାହାନ୍ତି ?
କʼଣ ଆପଣଙ୍କ ବୟସ ୨୩ରୁ ୬୫ ବର୍ଷ ମଧ୍ୟରେ ଅଟେ ? କʼଣ ଆପଣ ପୂର୍ଣ୍ଣ ସମୟର ସେବା କରୁଛନ୍ତି ? କʼଣ ଆପଣଙ୍କ ସ୍ୱାସ୍ଥ୍ୟ ଭଲ ରହେ ? କʼଣ ଆପଣ ଏପରି ଅଞ୍ଚଳରେ ସେବା କରିବାକୁ ଚାହାନ୍ତି, ଯେଉଁଠି ଅଧିକ ଆବଶ୍ୟକତା ରହିଛି ? ଯଦି “ହଁ,” ତେବେ କʼଣ ଆପଣ ‘ରାଜ୍ୟ ପ୍ରଚାରକଙ୍କ ପାଇଁ ସ୍କୁଲର’ ଫର୍ମ ଭରିବାକୁ ଚାହିଁବେ ? ଏପର୍ଯ୍ୟନ୍ତ ହଜାର ହଜାର ପତିପତ୍ନୀ ଓ ଭାଇଭଉଣୀମାନେ ଏହି ସ୍କୁଲରେ ଉପସ୍ଥିତ ହୋଇ ସାରିଛନ୍ତି ଏବଂ ସେମାନେ ଏଥିରୁ ବହୁତ କିଛି ଶିଖିଛନ୍ତି । କିନ୍ତୁ ଆମେ ଚାହୁଁ ଯେ ଅଧିକରୁ ଅଧିକ ଅବିବାହିତ ଭାଇମାନେ ଏହି ସ୍କୁଲ ପାଇଁ ଫର୍ମ ଭରନ୍ତୁ । ଯିହୋବାଙ୍କୁ ପ୍ରାର୍ଥନା କରନ୍ତୁ ଯେ ସେ ଆପଣଙ୍କଠାରେ ତାହାଙ୍କ ଇଚ୍ଛା ପୂରା କରିବା ପାଇଁ ଆଗ୍ରହ ସୃଷ୍ଟି କରିବେ ଏବଂ ଆପଣ ଯେପରି ଯୀଶୁଙ୍କୁ ଅନୁକରଣ କରିପାରିବେ । (ଗୀତ ୪୦:୮; ମାଥି ୨୦:୨୮; ଏବ୍ରୀ ୧୦:୭) ତାʼପରେ ଭାବନ୍ତୁ ଯେ କେଉଁ କେଉଁ କଥା ଆପଣଙ୍କ ନିଷ୍ପତ୍ତିରେ ବାଧା ଆଣିପାରେ ଏବଂ ଆପଣ ସେହି ବାଧାଗୁଡ଼ିକୁ କିପରି ପାର କରିପାରିବେ ?
ଯେଉଁ ଭାଇଭଉଣୀମାନେ ଏହି ସ୍କୁଲରେ ଉପସ୍ଥିତ ହୁଅନ୍ତି, ସେମାନଙ୍କ ମଧ୍ୟରୁ କେତେକଙ୍କୁ ଏପରି ଅଞ୍ଚଳକୁ ପଠାଯାଏ, ଯେଉଁଠାରେ ଲୋକେ ଅନ୍ୟ ଭାଷାରେ କଥା ହୁଅନ୍ତି । କେତେକଙ୍କୁ ‘ମହାନଗରଗୁଡ଼ିକରେ ସର୍ବସାଧାରଣରେ ସାକ୍ଷ୍ୟ ଦେବା ପାଇଁ ବିଶେଷ ବ୍ୟବସ୍ଥାରେ’ ଅଂଶଗ୍ରହଣ କରିବା ପାଇଁ କୁହାଯାଏ । କିଛି ଭାଇ ଆଗକୁ ଯାଇ ସହାୟକ ସର୍କିଟ ଅଧ୍ୟକ୍ଷ କିମ୍ବା ପୂର୍ଣ୍ଣ ସମୟର ମିଶନାରୀ ପ୍ରଚାରକ ଭାବେ ସେବା କରିଥାʼନ୍ତି । ଯିହୋବାଙ୍କ ସଂଗଠନରେ ବହୁତ କାମ ଅଛି ! ଆପଣ ମଧ୍ୟ ଯିଶାଇୟ ଭବିଷ୍ୟଦ୍ବକ୍ତାଙ୍କ ଭଳି ମନୋଭାବ ରଖନ୍ତୁ ଏବଂ କୁହନ୍ତୁ, “ମୁଁ ଅଛି; ମୋତେ ପଠାଅ ।”—ଯିଶା ୬:୮.
ପୂର୍ଣ୍ଣ ସମୟର ମିଶନାରୀ ପ୍ରଚାରକ—ଶସ୍ୟକ୍ଷେତ୍ର ପାଇଁ କଟାଳି ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ପୂର୍ଣ୍ଣ ସମୟର ମିଶନାରୀ ପ୍ରଚାରକମାନଙ୍କୁ କିପରି ବଛାଯାଏ ?
ମିଶନାରୀ ଭାଇଭଉଣୀମାନେ କେଉଁ ବଢ଼ିଆ କାମରେ ଲାଗି ରହିଛନ୍ତି ?
ମିଶନାରୀ ସେବା କରୁଥିବା ଭାଇଭଉଣୀମାନଙ୍କୁ କେଉଁ କେଉଁ ଆଶିଷ ମିଳିଛି ?