ଖ୍ରୀଷ୍ଟୀୟ ଜୀବନଯାପନ କରନ୍ତୁ
ଶାମୁୟେଲଙ୍କ ଜୀବନରୁ ଶିଖନ୍ତୁ
ଶାମୁୟେଲ ସମ୍ପୁର୍ଣ୍ଣ ଯିହୋବାଙ୍କ ବିଶ୍ୱସ୍ତ ରହିଲେ । ଯେତେବେଳେ ସେ ଛୋଟ ଥିଲେ, ସେତେବେଳେ ସେ ଏଲିଙ୍କର ପୁତ୍ର ହଫ୍ନି ଓ ପୀନହସ୍ଙ୍କ ଭଳି ଦୁଷ୍ଟ ହେଲେ ନାହିଁ । (୧ଶାମୁ ୨:୨୨-୨୬) ଶାମୁୟେଲ ଯେଭଳି ବଡ଼ ହେବାକୁ ଲାଗିଲେ, ଯିହୋବା ତାଙ୍କ ସାଙ୍ଗରେ ରହିଲେ । (୧ଶାମୁ ୩:୧୯) ଶାମୁୟେଲ ବୃଦ୍ଧ ହେବା ପର୍ଯ୍ୟନ୍ତ ସେ ଯିହୋବାଙ୍କ ସେବା କରିବା ଜାରି ରଖିଲେ, କିନ୍ତୁ ତାଙ୍କ ପୁତ୍ରମାନେ ଯିହୋବାଙ୍କୁ ଛାଡ଼ି ଦେଇଥିଲେ ।—୧ଶାମୁ ୮:୧-୫.
ଆପଣ ଶାମୁୟେଲଙ୍କଠାରୁ କʼଣ ଶିଖିପାରିବେ ? ଯଦି ଆପଣ ଯୁବା ଅଟନ୍ତି, ବିଶ୍ୱାସ ରଖନ୍ତୁ ଯିହୋବା ଜାଣନ୍ତି ଯେ ଆପଣ କେଉଁ ପ୍ରକାରର ସମସ୍ୟାଗୁଡ଼ିକର ସାମନା କରୁଛନ୍ତି ଏବଂ ଆପଣଙ୍କୁ କିପରି ଲାଗୁଛି । ସେ ଆପଣଙ୍କୁ ସାହସ ଦେବେ । (ଯିଶା ୪୧:୧୦, ୧୩) ଯଦି ଆପଣ ପିତା ମାତା ଅଟନ୍ତି ଓ ଆପଣଙ୍କ ପିଲାମାନେ ଯିହୋବାଙ୍କୁ ଛାଡ଼ି ଦେଇଛନ୍ତି, ତେବେ ସାହସ ହରାନ୍ତୁ ନାହିଁ । ମନେରଖନ୍ତୁ ଶାମୁୟେଲ ମଧ୍ୟ ନିଜ ପିଲାମାନଙ୍କୁ ଜବରଦସ୍ତି କରି ନ ଥିଲେ । ସେ ଏହି ମାମଲାକୁ ଯିହୋବାଙ୍କ ହାତରେ ଛାଡ଼ି ଦେଇଥିଲେ ଓ ଏକଥା ଉପରେ ଧ୍ୟାନ ଦେଲେ ଯେ ସେ ଯିହୋବାଙ୍କର କିପରି ବିଶ୍ୱସ୍ତ ରହିବେ । ଏଭଳି ଭାବେ ସେ ଯିହୋବାଙ୍କୁ ଖୁସି କଲେ । ହୋଇପାରେ, ଆପଣଙ୍କ ଭଲ ଉଦାହରଣରୁ ଆପଣଙ୍କ ପିଲା ଯିହୋବାଙ୍କ ପାଖକୁ ଫେରି ଆସିବେ ।
ଇତିହାସର ପୃଷ୍ଠାଗୁଡ଼ିକରୁ—ଶାମୁୟେଲ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ଶାମୁୟେଲ ଛୋଟବେଳେ କିପରି ସାହସର ସହ କାମ କଲେ ?
ଡେନି କିପରି ସାହସର ସହ କାମ କଲେ ?
ଶାମୁୟେଲ ବୃଦ୍ଧ ସମୟରେ କିପରି ଏକ ଭଲ ଉଦାହରଣ ରଖିଲେ ?
ଯେଉଁମାନେ ଠିକ୍ କାମ କରନ୍ତି, ଯିହୋବା ସେମାନଙ୍କ ସହିତ ରହନ୍ତି
ଡେନିଙ୍କ ବାପାମାଆ କିପରି ଏକ ଭଲ ଉଦାହରଣ ରଖିଲେ ?