ଅଧ୍ୟୟନ ପାଇଁ ପରାମର୍ଶ
ଚିତ୍ରଗୁଡ଼ିକରୁ ଶିଖନ୍ତୁ
ଆମ ପ୍ରକାଶନଗୁଡ଼ିକରେ ଅନେକ ଚିତ୍ର ଦିଆଯାଇଥାଏ । ସେହି ଚିତ୍ରଗୁଡ଼ିକରୁ ଆମକୁ କିଛି ଜରୁରୀ କଥା ଶିଖାଯାଏ । ଆମେ ସେହି କଥାଗୁଡ଼ିକୁ କିପରି ଶିଖିପାରିବା ?
କୌଣସି ଲେଖା ପଢ଼ିବା ପୂର୍ବରୁ ସେଥିରେ ଦିଆଯାଇଥିବା ଚିତ୍ରଗୁଡ଼ିକ ଉପରେ ଧ୍ୟାନ ଦିଅନ୍ତୁ । ଏପରି କରିବା କାହିଁକି ଦରକାର ? ଯେପରି କୌଣସି ସ୍ୱାଦିଷ୍ଟ ଖାଦ୍ୟ ଦେଖିଲେ, ଆମକୁ ତାହା ଖାଇବା ପାଇଁ ଭାରି ଇଚ୍ଛା ହୁଏ । ଠିକ୍ ସେହିଭଳି ଯେବେ ଆମେ କୌଣସି ଲେଖାରେ ଦିଆଯାଇଥିବା ଚିତ୍ରଗୁଡ଼ିକୁ ଦେଖୁ, ତେବେ ଆମକୁ ତାହା ପଢ଼ିବା ପାଇଁ ଭାରି ଇଚ୍ଛା ହୁଏ । ସେଥିପାଇଁ କୌଣସି ବି ଲେଖା ପଢ଼ିବା ପୂର୍ବରୁ ସେଥିରେ ଦିଆଯାଇଥିବା ଚିତ୍ରଗୁଡ଼ିକୁ ଦେଖି ନିଜକୁ ପଚାରନ୍ତୁ, ‘ଏହି ଚିତ୍ରଗୁଡ଼ିକରେ କʼଣ ଦେଖାଇ ଦିଆଯାଇଛି ?’—ଆମୋ. ୭:୭, ୮.
ଲେଖା ପଢ଼ିବା ସମୟରେ ଭାବନ୍ତୁ ଯେ ଏହି ଚିତ୍ରଗୁଡ଼ିକ କାହିଁକି ଦିଆଯାଇଛି । ଚିତ୍ର ଶୀର୍ଷକ ପଢ଼ନ୍ତୁ ଏବଂ ଯଦି ସେଠାରେ ଚିତ୍ର ବିଷୟରେ ତଥ୍ୟ ଦିଆଯାଇଛି, ତାହେଲେ ତାହାକୁ ମଧ୍ୟ ପଢ଼ନ୍ତୁ । ଧ୍ୟାନ ଦିଅନ୍ତୁ ଯେ ଏହି ଚିତ୍ର, ଲେଖାର ବିଷୟ ସହ କିପରି ଜଡ଼ିତ ଅଛି । ଆଉ ଭାବନ୍ତୁ ଯେ ଆପଣ ସେହି ଚିତ୍ରରୁ ଯାହା ଶିଖିଲେ, ତାହାକୁ କିପରି ଲାଗୁ କରିବେ ।
ଲେଖା ପଢ଼ିବା ପରେ ପୁଣିଥରେ ଚିତ୍ରଗୁଡ଼ିକୁ ଦେଖନ୍ତୁ ଓ ଭାବନ୍ତୁ ଯେ ସେହି ଲେଖାର ମୁଖ୍ୟ କଥାଗୁଡ଼ିକ କʼଣ ଥିଲା । ତାʼପରେ ଆଖି ବନ୍ଦ କରି ପ୍ରତ୍ୟେକ ଚିତ୍ରକୁ ମନେ ପକାଇବା ପାଇଁ ଚେଷ୍ଟା କରନ୍ତୁ ଏବଂ ଭାବନ୍ତୁ ଯେ ଆପଣ ସେଥିରୁ କʼଣ ଶିଖିଲେ ।
ଆମେ ପ୍ରୋତ୍ସାହନ ଦେଉ ଯେ ଆପଣ ପ୍ରହରୀଦୁର୍ଗର ଏହି ସଂଖ୍ୟାରେ ଦିଆଯାଇଥିବା ଚିତ୍ରଗୁଡ଼ିକୁ ପୁଣିଥରେ ଦେଖନ୍ତୁ ଏବଂ ସେଥିରେ କʼଣ ଶିଖାଯାଇଥିଲା, ତାହା ମନେ ପକାଇବା ପାଇଁ ଚେଷ୍ଟା କରନ୍ତୁ ।