ପାଠ ୩୮
ଜୀବନ ଈଶ୍ୱରଙ୍କ ତରଫରୁ ଅଟେ, ଏହାକୁ ବହୁମୂଲ୍ୟ ମନେ କରନ୍ତୁ
ଆମ ପାଖରେ ଜୀବନ ଅଛି, ସେଥିପାଇଁ ଆମେ ବହୁତ କିଛି କରିପାରୁ ଏବଂ ଜୀବନର ମଜା ନେଇପାରୁ । ଏହା ସତ ଯେ ଆମେ ଅନେକ ସମସ୍ୟାର ସାମନା କରିଥାଉ, ତଥାପି ଆମ ପାଖରେ ଖୁସି ରହିବାର ବହୁତ କାରଣ ଅଛି । କିନ୍ତୁ ପ୍ରଶ୍ନ ଉଠେ, ଆମେ କିପରି ଦେଖାଇପାରିବା ଯେ ଆମେ ଜୀବନକୁ ବହୁମୂଲ୍ୟ ମନେ କରୁ ଏବଂ ଏପରି କରିବାର ସବୁଠୁ ମୁଖ୍ୟ କାରଣ କʼଣ ?
୧. ଆମେ କାହିଁକି ଜୀବନକୁ ବହୁମୂଲ୍ୟ ମନେ କରୁ ?
ଆମେ ଜୀବନକୁ ବହୁମୂଲ୍ୟ ମନେ କରୁ । କାରଣ ଏହା ଯିହୋବାଙ୍କ ତରଫରୁ ଗୋଟିଏ ଉପହାର । ସେ ହିଁ ସମସ୍ତଙ୍କୁ ଜୀବନ ଦେଇଛନ୍ତି । (ଗୀତସଂହିତା ୩୬:୯) “ସେ ସ୍ୱୟଂ ସମସ୍ତଙ୍କୁ ଜୀବନ, ନିଶ୍ୱାସ ଓ ସମସ୍ତ ପଦାର୍ଥ ଦାନ କରନ୍ତି ।” (ପ୍ରେରିତ ୧୭:୨୫, ୨୮) ବଞ୍ଚିବା ପାଇଁ ଆମକୁ ଯାହା କିଛି ଦରକାର, ଯିହୋବା ସେସବୁ ଆମକୁ ଦେଇଛନ୍ତି । କେବଳ ଏତିକି ନୁହେଁ, ସେ ଆମକୁ ସେସବୁ ଜିନିଷ ଦେଇଛନ୍ତି, ଯାହାଦ୍ୱାରା ଆମେ ଜୀବନର ମଜା ନେଇପାରିବା ।—ପ୍ରେରିତ ୧୪:୧୭ ପଢ଼ନ୍ତୁ ।
୨. ଆମେ କିପରି ଦେଖାଇପାରିବା ଯେ ଆମେ ଜୀବନକୁ ବହୁମୂଲ୍ୟ ମନେ କରୁ ?
ଯେତେବେଳେ ଆପଣ ନିଜ ମାଆ ପେଟରେ ଥିଲେ, ସେତେବେଳେଠାରୁ ଯିହୋବା ଆପଣଙ୍କୁ ଜାଣନ୍ତି ଏବଂ ଧ୍ୟାନ ଦିଅନ୍ତି । ଏହି କଥା ଯିହୋବା ଦାଉଦଙ୍କୁ କହିଥିଲେ । ସେଥିପାଇଁ ଦାଉଦ ଯିହୋବାଙ୍କ ବିଷୟରେ ଲେଖିଥିଲେ ‘ତୁମ୍ଭ ଚକ୍ଷୁ ମୋହର ସେହି ଅସମ୍ପୂର୍ଣ୍ଣ ପିଣ୍ଡ ବା ଭୃଣ ଦେଖିଲା ।’ (ଗୀତସଂହିତା ୧୩୯:୧୬) ଆପଣଙ୍କ ଜୀବନ ଯିହୋବାଙ୍କ ପାଇଁ ବହୁମୂଲ୍ୟ ଅଟେ । (ମାଥିଉ ୧୦:୨୯-୩୧ ପଢ଼ନ୍ତୁ ।) ତାହେଲେ ଭାବନ୍ତୁ, ଯେତେବେଳେ କେହି ଜାଣିଶୁଣି ନିଜର କିମ୍ବା ଅନ୍ୟ କାହାରି ଜୀବନ ନିଏ, ସେତେବେଳେ ଯିହୋବାଙ୍କୁ କେତେ ଦୁଃଖ ଲାଗୁଥିବ ।a (ଯାତ୍ରା ପୁସ୍ତକ ୨୦:୧୩) ଯିହୋବା ସେତେବେଳେ ମଧ୍ୟ ଦୁଃଖୀ ହୁଅନ୍ତି, ଯେତେବେଳେ କେହି ବିନା କାରଣରେ ନିଜ ଜୀବନକୁ ବିପଦରେ ପକାଏ କିମ୍ବା ଅସାବଧାନତା ଯୋଗୁଁ ଅନ୍ୟମାନଙ୍କ ଜୀବନକୁ ବିପଦରେ ପକାଏ । ଯେତେବେଳେ ଆମେ ନିଜର ଓ ଅନ୍ୟମାନଙ୍କ ସୁରକ୍ଷାକୁ ଧ୍ୟାନରେ ରଖୁ, ସେତେବେଳେ ଆମେ ଦେଖାଇଥାଉ ଯେ ଆମେ ଯିହୋବାଙ୍କଠାରୁ ମିଳିଥିବା ଉପହାରକୁ ବହୁମୂଲ୍ୟ ମନେ କରୁ ।
ଭାବନ୍ତୁ ଓ ଶିଖନ୍ତୁ
ଜାଣନ୍ତୁ ଯେ ଆମେ କେଉଁ କେଉଁ ଉପାୟରେ ଦେଖାଇପାରିବା ଯେ ଆମେ ଜୀବନକୁ ବହୁମୂଲ୍ୟ ମନେ କରୁ ।
୩. ନିଜ ସ୍ୱାସ୍ଥ୍ୟର ଧ୍ୟାନ ରଖନ୍ତୁ
ଆମେ ନିଜ ଜୀବନ ଯିହୋବାଙ୍କୁ ସମର୍ପଣ କରିଛୁ, ସେଥିପାଇଁ ସାରା ଜୀବନ ଆମେ ଯିହୋବାଙ୍କୁ ଖୁସି କରିବା ପାଇଁ ଚାହୁଁ । ଆମେ ନିଜ ଶରୀରକୁ ବଳି ରୂପେ ଯିହୋବାଙ୍କୁ ଉତ୍ସର୍ଗ କରିଛୁ, ସେଥିପାଇଁ ଆମେ ଏହାର ଧ୍ୟାନ ରଖିବା ଉଚିତ୍ । ରୋମୀୟ ୧୨:୧, ୨ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
ଆପଣ କʼଣ ଭାବନ୍ତି, ଆମକୁ କାହିଁକି ନିଜ ସ୍ୱାସ୍ଥ୍ୟ ପ୍ରତି ଧ୍ୟାନ ଦେବା ଉଚିତ୍ ?
ଆପଣ ଏହା କେଉଁ ଉପାୟଗୁଡ଼ିକରେ କରିପାରିବେ ?
୪. ସବୁବେଳେ ସୁରକ୍ଷାକୁ ଧ୍ୟାନରେ ରଖନ୍ତୁ
ବାଇବଲ କହେ ଯେ ଆମକୁ ଏପରି କାମଗୁଡ଼ିକରୁ ଦୂରେଇ ରହିବା ଉଚିତ୍, ଯେଉଁଥିରୁ ଆମକୁ ଏବଂ ଅନ୍ୟମାନଙ୍କୁ କ୍ଷତି ପହଞ୍ଚିପାରେ କିମ୍ବା କାହାରି ଜୀବନ ବିପଦରେ ପଡ଼ିପାରେ । ସୁରକ୍ଷାକୁ ଧ୍ୟାନରେ ରଖିବା ପାଇଁ ଆମେ କʼଣ କʼଣ କରିପାରିବା, ତାହା ଜାଣିବା ପାଇ ଭିଡିଓ ଦେଖନ୍ତୁ ।
ହିତୋପଦେଶ ୨୨:୩ ପଢ଼ନ୍ତୁ, ତାʼପରେ ଆଲୋଚନା କରନ୍ତୁ ଯେ ଆଗକୁ ଦିଆଯାଇଥିବା ମାମଲାଗୁଡ଼ିକରେ ଆପଣ ନିଜର ଓ ଅନ୍ୟମାନଙ୍କ ସୁରକ୍ଷାକୁ କିପରି ଧ୍ୟାନ ରଖିପାରିବେ . . .
ନିଜ ଘରେ ।
କାମ ଜାଗାରେ ।
ଖେଳିବା ସମୟରେ ।
ଗାଡ଼ି ଚଳାଇବା ସମୟରେ ବା ଗାଡ଼ିରେ ଯାଉଥିବା ବେଳେ ।
୫. ଗର୍ଭରେ ଥିବା ଶିଶୁର ଜୀବନକୁ ବହୁମୂଲ୍ୟ ମନେ କରନ୍ତୁ
ଦାଉଦ ଗୋଟିଏ କବିତାରେ କହିଲେ ଯେ ଯିହୋବା ଜଣେ ମାଆ ଗର୍ଭରେ ଥିବା ଶିଶୁ ବିଷୟରେ ସବୁକିଛି ଜାଣନ୍ତି । ଗୀତସଂହିତା ୧୩୯:୧୩-୧୭ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:
ଯିହୋବାଙ୍କ ଦୃଷ୍ଟିରେ ଜୀବନର ଆରମ୍ଭ କେବେଠୁ ହୁଏ, ଯେତେବେଳେ ଜଣେ ମାଆ ଗର୍ଭଧାରଣ କରେ ସେତେବେଳେ ନା ଯେତେବେଳେ ଜଣେ ଶିଶୁର ଜନ୍ମ ହୁଏ ?
ପ୍ରାଚୀନ ସମୟରେ ଯିହୋବା ଜଣେ ମାଆ ଓ ତାʼର ଗର୍ଭରେ ଥିବା ଶିଶୁର ସୁରକ୍ଷା ପାଇଁ ଇସ୍ରାଏଲୀୟମାନଙ୍କୁ କିଛି ନିୟମ ଦେଇଥିଲେ । ଯାତ୍ରା ପୁସ୍ତକ ୨୧:୨୨, ୨୩ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
ଯେତେବେଳେ କେହି ଅଜାଣତରେ ଜନ୍ମ ହୋଇ ନ ଥିବା ଶିଶୁଟିର ଜୀବନ ନିଏ, ସେତେବେଳେ ଯିହୋବାଙ୍କୁ କିପରି ଲାଗେ ?
ଯେତେବେଳେ କେହି ଜାଣିଶୁଣି ଏପରି କରେ, ସେତେବେଳେ ଯିହୋବାଙ୍କୁ କିପରି ଲାଗେ ?b
ଜୀବନ ବିଷୟରେ ଯିହୋବା ଯାହା ଭାବନ୍ତି, ତାହା ଜାଣି ଆପଣଙ୍କୁ କିପରି ଲାଗେ ?
ଜଣେ ମହିଳାକୁ ହୁଏତ ଏହା ପୂରା ଭରସା ଥିବ ଯେ ଜୀବନ ବହୁମୂଲ୍ୟ ଅଟେ । ତଥାପି ତାକୁ ତାʼ ପରିସ୍ଥିତି ଯୋଗୁଁ ଲାଗିପାରେ ଯେ ଗର୍ଭପାତ କରାଇବା ଛଡ଼ା ତାʼ ଆଗରେ ଆଉ କୌଣସି ରାସ୍ତା ନାହିଁ । ଯିଶାଇୟ ୪୧:୧୦ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
ଯଦି ଜଣେ ମହିଳାକୁ ଗର୍ଭପାତ କରିବା ପାଇଁ ଚାପ ପକାଯାଏ, ତାହେଲେ ତାକୁ କାହାଠାରୁ ସାହାଯ୍ୟ ନେବା ଉଚିତ୍ ? ତାକୁ ଏପରି କାହିଁକି କରିବା ଉଚିତ୍ ?
କିଛି ଲୋକ କହନ୍ତି: “ଯଦି ଆପଣଙ୍କୁ ପିଲା ଦରକାର ନାହିଁ, ତାହେଲେ ତାହା ନଷ୍ଟ କରିଦିଅ ।”
କେଉଁ କଥାରୁ ଆପଣଙ୍କୁ ଭରସା ହେଲା ଯେ ଯିହୋବା ଜଣେ ମାଆ ଓ ତାʼର ଜନ୍ମ ହୋଇ ନ ଥିବା ଶିଶୁ, ଦୁହିଁଙ୍କର ଜୀବନକୁ ବହୁମୂଲ୍ୟ ମନେ କରନ୍ତି ?
ଆମେ କʼଣ ଶିଖିଲୁ ?
ବାଇବଲରେ କୁହାଯାଇଛି ଯେ ଜୀବନ ଯିହୋବାଙ୍କ ତରଫରୁ ଏକ ଉପହାର ଅଟେ । ତେଣୁ ଆମେ ନିଜ ଜୀବନକୁ ଭଲ ପାଇବା ଉଚିତ୍ । ତାକୁ ବହୁମୂଲ୍ୟ ମନେ କରିବା ଉଚିତ୍ ଏବଂ ନିଜ ଜୀବନର ସୁରକ୍ଷା ପ୍ରତି ଧ୍ୟାନ ଦେବା ଉଚିତ୍ । ଆମେ ଅନ୍ୟମାନଙ୍କ ଜୀବନକୁ ବି ଏପରି ଭାବିବା ଉଚିତ୍ ।
ଆପଣ କʼଣ କହିବେ ?
ଯିହୋବା କାହିଁକି ମଣିଷର ଜୀବନକୁ ବହୁମୂଲ୍ୟ ମନେ କରନ୍ତି ?
ଯଦି କେହି ଜାଣିଶୁଣି ଅନ୍ୟର ଜୀବନ ନିଏ କିମ୍ବା ନିଜର ଜୀବନ ନିଏ, ତାହେଲେ ଯିହୋବାଙ୍କୁ କିପରି ଲାଗେ ?
କʼଣ ଆପଣ ଜୀବନକୁ ଯିହୋବାଙ୍କ ତରଫରୁ ଉପହାର ବୋଲି ମନେ କରନ୍ତି ? ଆପଣ ଏପରି କାହିଁକି ଭାବନ୍ତି ?
ଅଧିକ ଜାଣନ୍ତୁ
ଯିହୋବା ଜୀବନର ଯେଉଁ ଉପହାର ଦେଇଛନ୍ତି, ତାʼପାଇଁ ଆମେ କିପରି ତାଙ୍କୁ କୃତଜ୍ଞତା ଦେଖାଇପାରିବା ?
ଯେଉଁ ମହିଳା ଗର୍ଭପାତ କରାଇଛି, କʼଣ ତାକୁ ଈଶ୍ୱର କ୍ଷମା କରିବେ ? ଏହି ପ୍ରଶ୍ନର ଉତ୍ତର ଜାଣିବା ପାଇଁ ଏହି ଲେଖା ପଢ଼ନ୍ତୁ ।
“ପବିତ୍ର ଶାସ୍ତ୍ର ଗର୍ଭପାତ ବିଷୟରେ କʼଣ କହେ ?” (jw.org ୱେବସାଇଟ୍ରେ ଥିବା ଲେଖା)
ଯିହୋବା ଜୀବନ ବିଷୟରେ କʼଣ ଭାବନ୍ତି, ତାହା ଜାଣିଲେ ଆମେ ଏପରି ଖେଳ ଖେଳିବାନି, ଯେଉଁଥିରେ ଆମ ଜୀବନ ବିପଦରେ ପଡ଼ିପାରେ । ଆସନ୍ତୁ ସେବିଷୟରେ ଜାଣିବା ।
“କʼଣ ଆମେ ବିପଦପୂର୍ଣ୍ଣ ଖେଳ ଖେଳିବା ଉଚିତ୍ ?” (ସଜାଗ ହୁଅ ! ଲେଖା-ହି)
ଯଦି ଜଣେ ବ୍ୟକ୍ତିର ମନରେ ଆତ୍ମହତ୍ୟା କରିବାର ଭାବନା ଆସେ, ତାହେଲେ ତାକୁ ବାଇବଲରୁ କିପରି ସାହାଯ୍ୟ ମିଳିପାରେ ? ଆସନ୍ତୁ ଜାଣିବା ।
a ଯିହୋବା ଦୁଃଖରେ ଭାଙ୍ଗିପଡ଼ିଥିବା ଲୋକମାନଙ୍କର ବହୁତ ଚିନ୍ତା କରନ୍ତି । (ଗୀତସଂହିତା ୩୪:୧୮) ସେ ବୁଝନ୍ତି ଯେ ବେଳେ ବେଳେ ଜଣେ ମଣିଷ ଏତେ ଭାଙ୍ଗିପଡ଼େ ଯେ ହୁଏତ ସେ ଭାବିପାରେ, ‘ମୁଁ ଆଉ ବଞ୍ଚିବାକୁ ଚାହେଁନି ।’ ଯିହୋବା ଏପରି ଭାବନା ସହ ଲଢ଼ିବା ପାଇଁ ଲୋକମାନଙ୍କୁ ସାହାଯ୍ୟ କରିପାରନ୍ତି । ଏବିଷୟରେ ଜାଣିବା ପାଇଁ “ମୁଁ ଆଉ ବଞ୍ଚିବାକୁ ଚାହେଁନି—ଆତ୍ମହତ୍ୟା କରିବାକୁ ଇଚ୍ଛା ହେଲେ ମୁଁ କʼଣ କରିବି ? କʼଣ ବାଇବଲରେ କିଛି ପରାମର୍ଶ ଅଛି ?” ନାମକ ଲେଖା ପଢ଼ନ୍ତୁ । ଏହି ଲେଖା ଏହି ପାଠର “ଅଧିକ ଜାଣନ୍ତୁ” ଭାଗରେ ଦିଆଯାଇଛି ।
b ଯେଉଁମାନେ ପୂର୍ବେ ଗର୍ଭପାତ କରାଇଛନ୍ତି, ସେମାନେ ହୁଏତ ତାʼପାଇଁ ନିଜକୁ ଦୋଷୀ ମନେ କରୁଥିବେ । କିନ୍ତୁ ଯିହୋବା ସେମାନଙ୍କୁ କ୍ଷମା କରିପାରନ୍ତି । ଏବିଷୟରେ ଅଧିକ ଜାଣିବା ପାଇଁ “ପବିତ୍ର ଶାସ୍ତ୍ର ଗର୍ଭପାତ ବିଷୟରେ କʼଣ କହେ ?” ନାମକ ଲେଖା ପଢ଼ନ୍ତୁ । ଏହି ଲେଖା ଏହି ପାଠର “ଅଧିକ ଜାଣନ୍ତୁ” ଭାଗରେ ଦିଆଯାଇଛି ।