Псалом

98 Зарут Йегъовӕйӕн ног зарӕг+,

Уымӕн ӕмӕ диссаг сты, цы хъуыддӕгтӕ сарӕзта, уыдон+.

Йӕ рахиз къух, йӕ сыгъдӕг цонг, ӕрхаста ирвӕзындзинад+.

 2 Йегъовӕ базонын кодта, цы ирвӕзындзинад ӕрхаста, уый+,

Адӕмты раз равдыста йӕ рӕстдзинад+.

 3 Рох дзы нӕ уыд, Израилы адӕмӕн зӕрдӕ кӕй бавӕрдта йе ’нувыд уарзтӕй ӕмӕ йӕ иузӕрдиондзинадӕй+.

Ӕгас зӕххыл дӕр федтой, нӕ Хуыцау нӕ куыд фервӕзын кодта, уый+.

 4 Зӕххыл цӕрӕг адӕм, иууылдӕр фырцинӕй хъӕр кӕнут ӕмӕ зарут Йегъовӕйӕн+.

Хъӕлдзӕг ут, хъӕр кӕнут фырцинӕй ӕмӕ зарут+.

 5 Зарут Йегъовӕйӕн дыууадӕстӕнон фӕндыры цагъдмӕ+,

Цӕгъдут ын дыууадӕстӕнон фӕндырӕй ӕмӕ йын зарут+.

 6 Уадындзы ӕмӕ сыкъайы уастмӕ+

Фырцинӕй хъӕр кӕнут Паддзахы раз, Йегъовӕйы раз.

 7 Нӕрӕд денджыз ӕмӕ йӕ мидӕг цыдӕриддӕр ис, уый+,

Зӕхх ӕмӕ йыл чи цӕры, уыдон+.

 8 Ӕмдзӕгъд кӕнӕнт цӕугӕдӕттӕ,

Хӕхтӕ иууылдӕр иумӕ фырцинӕй хъӕр кӕнӕнт+

 9 Йегъовӕйы раз, уымӕн ӕмӕ уый ӕрцыд зӕххӕн тӕрхон кӕнынмӕ+.

Уый зӕххӕн тӕрхон кӕндзӕн рӕстӕй+

Ӕмӕ адӕмтӕн – рӕстдзинадмӕ гӕсгӕ+.