Йезекил

15 Уый фӕстӕ мын Йегъовӕ афтӕ загъта: 2 «Адӕймаджы фырт, сӕнӕфсирбӕлас+ иннӕ бӕлӕстӕй – йӕ къалиу хъӕды иннӕ бӕлӕсты ’хсӕн – цӕмӕй хицӕн кӕны? 3 Исты архайынӕн дзы хъил скӕндзынӕ? Науӕд къӕбӕл, цӕмӕй йыл исты мигӕнӕн ӕрцауындзай? 4 Арты йӕ баппарынц суджы бӕсты+. Йӕ дыууӕ кӕроны йын арт аныхъуыры ӕмӕ йӕ астӕу дӕр басудзы+. Ӕмӕ уӕд исты аразынӕн бӕззы? 5 Ӕнӕхъӕн куы вӕййы, уӕд дӕр дзы куы ницы фӕаразынц, уӕд ӕй арт куы аныхъуыра ӕмӕ куы басудза, уӕд ма дзы уый фӕстӕ исты сараздзысты?»+

6 «Уымӕ гӕсгӕ афтӕ зӕгъы Дунедарӕг Хуыцау Йегъовӕ: „Хъӕды бӕлӕсты ’хсӕн чи ис, уыцы сӕнӕфсирбӕлас сугӕн куыд радтон, цӕмӕй дзы арт кӕной, афтӕ радтон Иерусалимы цӕрджыты дӕр+. 7 Ӕз сдӕн сӕ ныхмӕ+. Уыдон артӕй рацыдысты, фӕлӕ сӕ арт аныхъуырдзӕн+. Ӕмӕ сӕ ныхмӕ куы суон, уӕд ӕй базондзыстут, ӕз кӕй дӕн Йегъовӕ“»+.

8 «„Ӕмӕ мыл гадзрахатӕй кӕй цыдысты+, уый тыххӕй уыцы зӕхх фестын кӕндзынӕн ӕдзӕрӕг бӕстӕ“+,– зӕгъы Дунедарӕг Хуыцау Йегъовӕ».