5 Ӕмӕ дзурынц: „Дард лӕуу. Хӕстӕг мӕм ма ’рбацу, науӕд ды дӕр мӕнау суыдзынӕ сыгъдӕг“+. Уыдон сты фӕздӕг мӕ фындзыхуынчъыты+, ӕнӕхъӕн бон чи судзы, ахӕм арт+.

6 Уӕхи адӕмы цӕстмӕ ма ӕвдисут, ӕз рӕстгӕнӕг+ дӕн, зӕгъгӕ, уымӕн ӕмӕ уын уӕд уӕ уӕларвон Фыдӕй хӕрзиуӕг нӕ уыдзӕн.

2 Фарисейтӕ уый куы федтой, уӕд Йесомӕ фесты+: «Акӕс-ма! Дӕ ахуыргӕнинӕгтӕ, сабаты цы не ’мбӕлы, уый аразынц»+.

23 Додой уӕ къона, чиныджыдӕснытӕ ӕмӕ фарисейтӕ! Цӕстмӕхъустӕ! Битъынайӕ, хъонтхорайӕ ӕмӕ зирӕйӕ дӕсӕм хай+ дӕттут, Закъоны сӕйрагдӕр хъуыддӕгтӕ та – рӕстдзинад+, фӕлмӕнзӕрдӕдзинад+ ӕмӕ иузӕрдиондзинад+ – ницӕмӕ дарут. Уыдӕттӕ дӕр кӕнын ӕмбӕлди, фӕлӕ иннӕ хъуыддӕгтӕ дӕр нӕ хъуыди рох кӕнын.

9 Йӕхи рӕстгӕнӕг+ чи хуыдта ӕмӕ иннӕты чи ницӕуыл нымадта+, уыдонӕн та радзырдта ахӕм фӕсномыг ныхас:

3 Уыдон сӕхи Хуыцауы рӕстдзинады дӕлбар нӕ бакодтой+, уымӕн ӕмӕ, Хуыцауы цӕсты раст цы у, уый нӕ зыдтой+, фӕлӕ архайдтой, сӕхӕдӕг рӕстгӕнджытӕ кӕй сты, уый равдисыныл+.

10 Уӕдӕ ды де ’фсымӕрӕн цӕмӕн тӕрхон кӕныс?+ Ӕмӕ ды та де ’фсымӕрмӕ уӕлейӕ дӕлӕмӕ цӕмӕн кӕсыс? Не ’ппӕт дӕр Хуыцауы тӕрхоны+ раз ӕрлӕудзыстӕм,

23 Уыдӕттӕ чи кӕны, уыдон Хуыцауӕн кувынц, сӕхи куыд фӕнды, афтӕ, сӕхи иннӕты цӕстмӕ сӕрныллӕгӕй ӕвдисынц, сӕхи хъизӕмарӕй марынц*+, ӕмӕ зондджын бӕргӕ зынынц, фӕлӕ сын уыцы фӕдзӕхстытӕ тӕригъӕдджын буары монцтимӕ тох кӕнынӕн ницы ӕххуыс сты+.