40 Цыппӕрӕм паддзахад+ та уыдзӕн ӕфсӕйнагау фидар+. Ӕфсӕйнаг алцыдӕр куыд ныппырх кӕны ӕмӕ ныммур кӕны, афтӕ уый дӕр, ӕфсӕйнагау, уыцы паддзахӕдтӕ иууылдӕр ныппырх кӕндзӕн ӕмӕ сӕ ныддӕрӕн кӕндзӕн+.

7 Уый фӕстӕ ма ӕхсӕвы цӕстылуайӕнты федтон цыппӕрӕм сырды дӕр. Йӕ хуыз зӕрдӕйы тас уагъта, уыд ӕвирхъау ӕмӕ ӕнахуыр тыхджын+. Уыди йын стыр ӕфсӕйнаг дӕндӕгтӕ, ӕмӕ йӕ алыварс ӕппӕт дӕр ныхъуырдта ӕмӕ пырх кодта, цы ма-иу дзы баззад, уый та-иу йӕ къӕхты бын ныссӕста. Уый хицӕн кодта, йӕ размӕ цы сырдтӕ уыд, уыдонӕй. Уыцы сырдӕн уыди дӕс сыкъайы+.

19 Уый фӕстӕ мӕ бафӕндыд фылдӕр базонын цыппӕрӕм сырды тыххӕй, иннӕтӕй чи хицӕн кодта, уыцы сырды тыххӕй – зӕрдӕйы стыр тас кӕй хуыз уагъта, стыр ӕфсӕйнаг дӕндӕгтӕ ӕмӕ ӕрхуы ныхтӕ кӕмӕн уыд ӕмӕ йӕ алыварс ӕппӕт дӕр чи ныхъуырдта ӕмӕ чи пырх кодта, цы ма-иу дзы баззад, уый та-иу йӕ къӕхты бын чи ныссӕста, уый тыххӕй+.