Дарддӕр дӕр «хорздзинад кӕн»
1 Иегъовӕ Хуыцауӕн лӕггад кӕнын кӕй райдыдтай, уымӕй хорз бакодтай. Фӕлӕ ныртӕккӕ, ацы уӕззау рӕстӕджыты, хъӕуы дарддӕр дӕр «хорздзинад кӕнын» (Гал. 6:9). Ӕмӕ кӕд уыцы хъуыддаг ӕнцон нӕу, уӕддӕр ӕй дӕ бон у кӕнын. Куыд?
2 Йесойы зондахаст дын уӕд. Йесойау дӕуӕн дӕр дӕ бон у фӕлварӕнты фидар лӕууын, ӕдзухдӕр Паддзахады ныфсыл куы хъуыды кӕнай, уӕд (Дзут. 12:2, 3). Рох дӕ ма уӕд, Иегъовӕ дӕ кӕй уарзы ӕмӕ йӕ кӕй фӕнды, цӕмӕй ӕнтыстджын уай (2 Пет. 3:9). Ӕппӕт зӕрдӕйӕ йыл ӕууӕнд ӕмӕ ӕппындӕр ма дызӕрдыг кӕн, кӕй дын ӕххуыс кӕндзӕн, ууыл (1 Кор. 10:13). Ӕдзухдӕр кув Иегъовӕмӕ, цӕмӕй дын ӕххуыс кӕна зындзинӕдтӕн фӕразынӕн (Ром. 12:12). Дӕ фӕразондзинадӕй Хуыцау разы кӕй уыдзӕн, ууыл цин кӕн (Ром. 5:3—5, НД). «Йесо Чырыстийӕн цы зондахаст уыд», ахӕм зондахастыл зӕрдиагӕй куы кусай, уӕд дӕхӕдӕг дӕр уыдзынӕ райгонд ӕмӕ Иегъовӕйы зӕрдӕ дӕр райын кӕндзынӕ (Ром. 15:5, НД; Фӕс. н. 27:11).
3 Дарддӕр дӕр хорздзинад кӕн. Цӕмӕй Иегъовӕйы адӕмӕн сӕ бон дарддӕр дӕр хорздзинад кӕнын уа, уый тыххӕй сын цы мадзӕлттӕ радта, уыдонӕй ӕппӕт тыхтӕй пайда кӕн. Иудадзыг Хуыцауы Ныхас кӕс ӕмӕ «ӕууӕнкджын ӕмӕ зондджын цагъар» Библийы бындурыл цы публикацитӕ уадзы, уыдон ахуыр кӕн. Ӕмбырды алы фембӕлдмӕ дӕр зӕрдиагӕй цӕттӕ кӕн, цу сӕм ӕмӕ дзы хайад ис. Чырыстон фембӕлдты размӕ дӕр ӕмӕ сӕ фӕстӕ дӕр рӕстӕг ар дӕ чырыстон ӕфсымӕртӕ ӕмӕ хотимӕ зӕрдӕбынӕй ныхас кӕнынӕн. Цӕмӕй ӕппӕт тыхтӕй хъусын кӕнай ӕмӕ хорз уацхъуыды тыххӕй адӕмимӕ арӕхстджындӕрӕй дзурай, уый тыххӕй дӕ разы ӕвӕр, сӕххӕстгӕнӕн кӕмӕн ис, ахӕм нысӕнттӕ.
4 Афтӕмӕй дӕ бон уыдзӕн дарддӕр дӕр хорздзинад кӕнын ӕмӕ дын уый уыцы иу рӕстӕджы стыр циндзинад хӕсдзӕн. Уый тыххӕй иу ӕфсымӕр Италийӕ загъта: «Ӕнӕхъӕн бон Иегъовӕйӕн лӕггад кӕнгӕйӕ куы арвитын ӕмӕ изӕрӕй хӕдзармӕ куы ӕрбацӕуын, уӕд, цы йӕ сусӕг кӕнон, вӕййын фӕллад. Фӕлӕ ӕз амондджын дӕн ӕмӕ Иегъовӕйӕ бузныг дӕн, кӕй мын дӕтты циндзинад, кӕцы мын никӕй бон у байсын». Уӕдӕ дарддӕр дӕр хорздзинад кӕн, ӕмӕ дӕуӕн дӕр уый хӕсдзӕн стыр циндзинад.