Адӕмимӕ Библи цӕмӕн фӕахуыр кӕнӕм?
1 Адӕмимӕ хӕдзары Библи цӕмӕн фӕахуыр кӕнӕм? Ӕрмӕстдӕр цӕмӕй истытӕ базоной, сӕ цард фӕхуыздӕр уа ӕви цӕмӕй фидӕны тыххӕй фылдӕр базоной? Нӕ. Сӕйраджыдӕр цӕмӕй суой Йесо Чырыстийы ахуыргӕнинӕгтӕ! (Матф. 28:19; Ап. к. 14:21). Уымӕ гӕсгӕ, кӕимӕ ахуыр кӕнӕм, уыдон хъуамӕ зонгӕ кӕной ӕмбырдимӕ. Сӕ уырнындзинад ӕрмӕстдӕр уӕд кӕндзӕн фидардӕр, чырыстон организаци цы у, уый хорз куы ӕмбарой.
2 Уый нын куыд бантысдзӕн. Суанг райдианӕй ахуыргӕнинаджы ӕдзухдӕр разӕнгард кӕн ӕмбырды фембӕлдтӕм цӕуынмӕ (Дзут. 10:24, 25). Бамбарын ын кӕн, йӕ уырнындзинад ын кӕй фидар кӕндзысты, Хуыцауы фӕндон ӕххӕст кӕнынӕн ын кӕй ӕххуыс кӕндзысты ӕмӕ уыдоны руаджы йӕ бон кӕй уыдзӕн, Иегъовӕйы зӕрдиагӕй чи кадджын кӕны, уыдоны ’хсӕн хорз хӕлӕрттӕ ссарын (Пс. 26:13; 31:8; 34:18). Дӕхӕдӕг дӕр куы дзурай, ӕмбырд ӕмӕ фембӕлдтӕ кӕй уарзыс ӕмӕ сын кӕй аргъ кӕныс, уӕд ӕй уый дӕр разӕнгард кӕндзӕн фембӕлдтӕм цӕуынмӕ.
3 Цымыдисгӕнаг адӕм хъуамӕ ӕмбарой, Иегъовӕйы организаци ӕппӕтдунеон ӕфсымӕрад кӕй у, уый. Равдис сын видеофильмтӕ «Иегъовӕйы Ӕвдисӕнтӕ — йӕ номмӕ гӕсгӕ архайӕг организаци» ӕмӕ «Нӕ ӕппӕтдунеон ӕфсымӕрад». Баххуыс сын кӕн, цӕмӕй бамбарой, Иегъовӕ йӕ фӕндон сӕххӕст кӕнынӕн кӕй пайда кӕны, нывонддзырд ын чи радта, милуангай ахӕм адӕймӕгтӕй ӕгас зӕххыл дӕр. Ногтӕн зӕгъ, Хуыцау уыдоны дӕр кӕй хоны, цӕмӕй йын лӕггад кӕной (Ис. 2:2, 3).
4 Мах тынг фӕцин кӕнӕм, Библи кӕимӕ фӕахуыр кӕнӕм, уый Йесойы ӕцӕг ахуыргӕнинаг куы свӕййы, уӕд. Растдӕр уый тыххӕй ахуыр кӕнӕм йемӕ Библи! (3 Иоан. 4).