Хъусинӕгтӕ

◼ Литературӕ парахат кӕнынӕн. Август: ӕмбырды цы 32-фарсон брошюрӕтӕ ис, уыдон. Сентябрь: чиныг «Библи бӕлвырдӕй цы дзуры». Архай, адӕймагмӕ фыццаг хатт куы бацӕуай, уӕд йемӕ Библи ахуыр кӕнын райдайыныл. Чиныг кӕмӕн радтай, уыдонмӕ ногӕй бацу, цӕмӕй семӕ Библи ахуыр кӕнын райдайай. Октябрь: журналтӕ «Хъахъхъӕнӕн мӕсыг» ӕмӕ «Райхъал ут!». Чи бацымыдис кодта, уымӕн раттӕн ис брошюрӕ «Ма бафынӕй ут!», цӕмӕй адӕймаджы бафӕнда Библи хуыздӕр базонын. Ноябрь: чиныг «Ахуыр кӕн Номдзыд Ахуыргӕнӕгӕй». Адӕймаг куы зӕгъа, зӕгъгӕ мын сывӕллӕттӕ нӕй, уӕд ын раттӕн ис трактат «Фӕнды дӕ Библи хуыздӕр базонын?» кӕнӕ та ӕндӕр трактат.

◼ Сӕрдариуӕггӕнӕг цӕстдарӕг кӕнӕ уый кӕмӕн бахӕс кӕна, уыцы ӕфсымӕр хъуамӕ ӕркӕса ӕмбырды ӕхцайы хыгъдтӕм 1 сентябры кӕнӕ уый фӕстӕ, цас тагъддӕр, уыйас хуыздӕр. Кӕд ма ӕмбырдӕн хицӕнӕй ӕхца ӕвӕрд ис, зӕгъӕм, Залмӕ зилынӕн кӕнӕ йӕ цалцӕг кӕнынӕн, йе та арӕзтадӕн, уӕд сӕрдариуӕггӕнӕг цӕстдарӕг хъуамӕ йӕ хъус фӕдара, цӕмӕй уыцы хыгъдмӕ дӕр ӕркӕсой. Куы сӕм ӕркӕсат, уӕд уый тыххӕй фехъусын кӕнут, ӕмбырды иннӕ мӕйы хыгъд куы бакӕсат, уый фӕстӕ.

◼ 2007 лӕггады азы районон ӕмӕ иубонон конгресстӕ уырыссаг ӕвзагӕй дарддӕр уыдзӕн ахӕм ӕвзӕгтыл: азербайджайнаг – Мӕскуыйы; англисаг – Санкт-Петербурджы, ирон – Дзӕуджыхъӕуы, сомихаг – Астрахань ӕмӕ Санкт-Петербурджы, уырыссаг къухӕй амонгӕ ӕвзаг – Волгоград, Мӕскуы, Невинномысск, Самарӕ, Санкт-Петербург ӕмӕ Челябинскы; тӕтӕйраг – Набережные Челныйы. Ӕмбырдтӕ ӕмӕ филиалы регистрацигонд цы хицӕн къордтӕ ис, уыдонмӕ районон цӕстдарӕг арвитдзӕн фыстӕджытӕ. Уыдоны фыст уыдзӕн, конгресмӕ сӕ кӕй хонынц, конгресс кӕд уыдзӕн, кӕм цӕрдзысты ӕмӕ ӕндӕр амындтӕ.