Агурӕм «аккаг адӕмы»
1. Хъусын кӕныны фадат нын кӕй ис, уымӕн кӕй аргъ кӕнӕм, уый цӕмӕй бӕрӕг уыдзӕн?
1 Чырысти зӕрдиагӕй архайдта, цӕмӕй «сабыр адӕмӕн» ныфсдӕттӕг хорз хабар хъусын кодтаид (Ис. 61:1, 2). Мах Чырыстийы бӕсты минӕвӕрттӕ кӕй стӕм, уымӕ гӕсгӕ нын диссаджы фадат ис, цӕмӕй йӕ фӕзмӕм ӕмӕ ӕнӕрынцойӕ агурӕм аккаг адӕмы (Матф. 10:11; 2 Кор. 5:20).
2. Павел алы уавӕрты дӕр куыд хъусын кодта ӕмӕ йын цы бантыст?
2 Алыран дӕр хъусын кӕн. Апостол Павел-иу фыццаг бацыд ӕмбырдгӕнӕнмӕ, цӕмӕй дзуттӕгтӕн ӕмӕ, ӕндӕр адӕмыхӕттытӕй дзуттаг дин чи райста, уыдонӕн хъусын кодтаид (Ап. хъ. 14:1). Филиппты та Силӕимӕ агуырдтой, адӕм кӕм куывтой, уыцы бынат. Уым хорз хабар радзырдтой сылгоймӕгтӕн ӕмӕ сӕ иу, Лидийӕ, зӕгъгӕ, рӕстдзинад уайтагъд йӕ зӕрдӕмӕ айста (Ап. хъ. 16:12–15).
3. Хӕдзарӕй хӕдзармӕ цӕуынӕй уӕлдай ма нын цавӕр фадӕттӕ ис хъусын кӕнынӕн?
3 Хӕдзарӕй хӕдзармӕ хъусын кӕнынӕй уӕлдай ма дӕ бон у уӕ территорийы остановкӕты, паркты, адӕмӕн куыст чи агуры, ахӕм хайӕдты, куыстуӕтты, дуканиты ӕмӕ уынджы хъусын кӕнын? Чи зоны дӕ бон у писмотӕ ныффыссын кӕнӕ телефонӕй бадзурын, хъахъхъӕнгӕ кӕй кӕнынц, ахӕм хӕдзӕрттӕм. Уацамынды лӕмбынӕг куы уӕм ӕмӕ алы уавӕрты куы хъусын кӕнӕм, уӕд нын бирӕ куыст уыдзӕн «Хицауы хъуыддаджы» (1 Кор. 15:58).
4. Не ’мбырдӕн бирӕ участоктӕ куы нӕ уа, уӕд ма куыд ис хъусын кӕнӕн?
4 Бирӕ хотӕ ӕмӕ ’фсымӕртӕн ис фадат, цӕмӕй сӕхи бӕстӕйы ӕндӕр ран кӕнӕ фӕсарӕнты хъусын кӕной. Чидӕртӕ та ахуыр кӕнынц ӕндӕр ӕвзаг, цӕмӕй фӕсарӕйнӕгтӕн хорз хабар дзурой.
5. Цы рӕстӕджы цӕрӕм, уымӕ цы цӕстӕй хъуамӕ кӕсӕм ӕмӕ цӕуыл хъуамӕ ахъуыды кӕнӕм?
5 Не ’ппӕт дӕр хъуамӕ нӕ зӕрдыл дарӕм, дуне «хуым» кӕй у (Матф. 9:37; 13:38). Ацы фыддунейӕн йӕ кӕрон тынг ӕввахс кӕй у, уымӕ гӕсгӕ алы адӕймаг дӕр хъуамӕ лӕмбынӕг ахъуыды кӕна йӕ уавӕртыл, йӕ курдиӕттыл ӕмӕ йӕ фадӕттыл, цӕмӕй фылдӕр хъусын кӕна. Йегъовӕ нын фидарӕй зӕгъы, йӕ Паддзахад нын фыццаг бынаты куы уа, уӕд нын кӕй арфӕ кӕндзӕн, цӕмӕй нӕ бон уа фылдӕр хъусын кӕнын (Матф. 6:33).