Чиныг дӕуӕн?

«Бирӕ чингуытӕ сараздзысты, кӕрон дӕр сын нӕ уыдзӕн»,— загъта Соломон иу-3000 азы размӕ (Екклесиаст 12:12). Ахӕм разагъд абоны хуызӕн ӕмбӕлон никуы у. Ӕппӕтиумӕйаг классикон литературӕйы ӕдде ма ӕрвыл аз мыхуыр цӕуы мингай ног чингуытӕ. Кӕд афтӕ бирӕ чингуытӕ ис, уӕд дӕ цӕмӕн хъӕуы сӕрмагондӕй Библи кӕсын?

БИРӔ адӕймӕгтӕ чингуытӕ кӕсынц кӕнӕ хи ирхӕфсынӕн кӕнӕ зонындзинӕдтӕ райсынӕн, кӕнӕ та дыууӕ хъуыддаджы тыххӕй дӕр. Афтӕ зӕгъӕн ис Библи кӕсыны тыххӕй дӕр. Йӕ кӕсын нын, гӕнӕн ис, хӕсса духовон пайда ӕмӕ ӕхсызгондзинад. Фӕлӕ Библи уымӕй фылдӕр дӕтты. Уый у зонындзинӕдты уникалон ратӕдзӕн (Екклесиаст 12:9, 10).

Библи дзуапп дӕтты ахӕм фарстытӕн, кӕцытыл адӕймагад рагӕй хъуыды кӕны: нӕ ивгъуыд, нӕ абон ӕмӕ нӕ фидӕныл. Бирӕты цымыдис кӕны: кӕцӕй равзӕрдыстӕм? Цы у царды нысан? Цардӕн куыд саразӕн ис амондджындӕр? Алкӕддӕр уыдзӕн цард зӕххыл? Цы нын ӕрхӕсдзӕн фидӕн?

Уыцы бӕлвырдгӕнӕнты ӕмдзыгуырдзинад, бӕлвырдӕй ӕвдисы, нӕ бон кӕй у рафӕлдахын Библи ӕмӕ фенын, уый раст ӕмӕ ӕууӕнкджын кӕй у. Мах федтам, куыд нын баххуыс кӕндзысты йӕ практикон уынаффӕтӕ, цӕмӕй абон нӕ цардӕн нысан уа ӕмӕ амондджын уӕм. Кӕд ӕмӕ Библи дӕтты разыгӕнӕн дзуаппытӕ абоныл, уӕд ӕнӕдызӕрдыгӕй лӕмбынӕг хъусдарды аккаг сты йӕ дзуаппытӕ ивгъуыдыл ӕмӕ йӕ пехуымпарӕдтӕ фидӕныл.

Куыд райсӕн ис иуыл стырдӕр пайда

Бирӕ адӕймӕгтӕ райдыдтой Библи кӕсын, фӕлӕ-иу дзы зын ӕмбарӕн бынӕттыл куы фембӕлдысты, уӕд-иу ӕй ныууагътой. Кӕд демӕ дӕр афтӕ ӕрцыд, уӕд дын баххуыс кӕндзысты иуӕй-иу лӕвӕрд уынаффӕтӕ.

Иуӕй-иу адӕймӕгтӕ райдайынц кӕсын Йесойы царды тыххӕй Евангелийы хъусинӕгтӕй зондджын амындтӕ, куыд «Уӕлхох уацамынд»; уыдон ӕвдисынц адӕймаджы зӕрдӕйы ахасты арф ӕмбарынад ӕмӕ нын ӕвдисы куыд ис фӕхуыздӕргӕнӕн нӕ цардӕн. (Кӕс Матфейы сӕртӕм 5—7.)

Библи кӕсыны уӕлдай, фылдӕр информаци райсынӕн хорз ӕххуыс уыдзӕн ахуыр кӕныны тематикон метод. Уырдӕм хауы Библи бӕрӕг фарстытыл цы дзуры, уымӕн анализ скӕнын. Ды, ӕвӕццӕгӕн, бадис кӕндзынӕ, Библи ӕцӕгдӕр кӕй дзуры ахӕм темӕтыл, куыд уд, уӕларв, зӕхх, цард ӕмӕ мӕлӕт, афтӕ ма цы у ӕмӕ цы сараздзӕн Хуыцауы Паддзахадa. Иегъовӕйы Ӕвдисӕнтӕ адӕмимӕ лӕварӕй Библи ахуыр кӕнынц тематикон пъланмӕ гӕсгӕ. Дӕ бон у уый тыххӕй ныффыссын рауагъдадмӕ, дыккаг фарсыл цы адристӕ ис, уыдонӕй спайдагӕнгӕйӕ.

Бӕлвырдгӕнӕнтӕ раиртасгӕйӕ, бирӕ адӕймӕгтӕ ӕрцыдысты хатдзӕгмӕ, Библи кӕй у лӕвӕрд Хуыцауӕй, кӕцы Сыгъдӕг Фыстады хуыйны «Иегъовӕ» (Псалом 82:19, «Стыдады чиныг кӕнӕ Псалтир», 1848 аз). Чи зоны дӕ фидарӕй нӕма уырны, Библи Хуыцауӕй лӕвӕрд кӕй у. Фӕлӕ уый дӕхӕдӕг ма хъуамӕ сбӕрӕг кӕнис? Уырны нӕ, куы йӕ сахуыр кӕнай, куы йыл ахъуыды кӕнай ӕмӕ, чи зоны, дӕхӕдӕг ын йӕ ӕнӕивгӕ зондджындзинады практикон пайда куы фенай, уӕд кӕй бамбардзынӕ, Библи ӕцӕгӕйдӕр кӕй у чиныг алкӕмӕндӕр, ӕмӕ ма чиныг дӕуӕн дӕр.

[Фиппаинаг]