НӔ ЧЫРЫСТОН ЦАРД
Уацамындон фембӕлды цӕуыл ис аныхас кӕнӕн?
Уацамындон фембӕлдтӕ дӕр нын иннӕ фембӕлдтау радта Йегъовӕ, «цӕмӕй кӕрӕдзийы разӕнгард кӕнӕм уарзондзинадмӕ ӕмӕ хорз хъуыддӕгтӕм» (Дзт 10:24, 25). Уацамындон фембӕлд хъуамӕ 5–7 минутӕй фылдӕр ма цӕуа (ӕмбырды фӕстӕ куы уа, уӕд та хъуамӕ цӕуа ноджы къаддӕр). Фембӕлды рӕстӕг ма ӕфсымӕр фӕзӕгъы, чи кӕимӕ ацӕудзӕн, уый. Стӕй участоктӕ ратты ӕмӕ ӕфсымӕртӕй исчи Хуыцаумӕ скувы. Уацамындон фембӕлд чи уадзы, уый хъуамӕ бацӕттӕ кӕна, хъусынгӕнджытӕн уыцы бон сӕ бон спайда кӕнын кӕмӕй уыдзӕн, ахӕм ӕрмӕг. Зӕгъӕм, сабаты уацамындон фембӕлды арӕхдӕр вӕййы, фӕстаг хатт къуыри размӕ чи хъусын кодта, ахӕм хотӕ ӕмӕ ӕфсымӕртӕ. Уымӕ гӕсгӕ хорз уаид аныхас кӕнын, уацамынды ныхас райдайӕн куыд ис, ууыл. Дӕлдӕр фыст ис, уацамындон фембӕлды ма ноджыдӕр цӕуыл ис аныхас кӕнӕн, уый.
Адӕймагимӕ ныхас райдайӕн куыд ис, уый фӕдыл нӕ «Кусӕн тетрад»-ы фӕстаг фарсыл цы цӕвиттонтӕ вӕййы, уыдонӕй искӕцыйыл
Ӕрӕджы цы хабӕрттӕ ’рцыд, уыдонӕй искӕцыйӕ ныхас райдайӕн куыд ис, ууыл
Адӕймаг нын куы зӕгъа, зӕгъӕм, «нӕ мӕ ’вдӕлы» кӕнӕ «мӕнӕн мӕхи дин ис», уӕд цы ис зӕгъӕн, ууыл
Атеистимӕ, эволюцийыл чи ӕууӕнды кӕнӕ ӕндӕр ӕвзагыл чи дзуры, ахӕм адӕймагимӕ, йе та, уӕ территорийы парахат чи нӕу, ахӕм диныл хӕст адӕймагӕн цы ис зӕгъӕн, ууыл
Куыд ис сайтӕй jw.org кӕнӕ приложенийӕ JW Library® пайда кӕнӕн, ууыл
Иннӕты ахуыр кӕнынӕн нӕм цы публикацитӕ ис, уыдонӕй куыд ис пайда кӕнӕн, ууыл
Телефонӕй, писмоты фӕрцы кӕнӕ, бирӕ адӕм кӕм ис, ахӕм рӕтты хъусын кӕнӕн, йе та адӕмы ногӕй бӕрӕг кӕнӕн кӕнӕ Библийы ахуыртӕ уадзӕн куыд ис, ууыл
Тӕссаг уавӕртӕй хи хъахъхъӕнӕн кӕнӕ уавӕртӕм гӕсгӕ ныхас фӕивӕн куыд ис, йе та уацамынды нӕхи куыд хъуамӕ дарӕм кӕнӕ нӕ участоктӕм цы цӕстӕй хъуамӕ кӕсӕм, ууыл
Брошюрӕйӕ «Хуыздӕр кӕс ӕмӕ иннӕты арӕхстджынӕй ахуыр кӕн» искӕцы урокыл кӕнӕ дзы цы видеороликтӕ ис, уыдонӕй искӕцыйыл
Уацамынды кӕимӕ уӕм, уымӕн арӕхстджындӕрӕй хъусын кӕнынӕн куыд ис баххуыс кӕнӕн ӕмӕ дзы ныфс бауадзӕн куыд ис, ууыл
Уацамындмӕ чи хауы, ахӕм стихыл кӕнӕ, ныфс чи бауадздзӕн, ахӕм цауыл