Адӕм политиктыл нал ӕууӕндынц. Библийы цы фыст ис?

2024 азы бирӕ бӕстӕты уыдзӕн ӕвзӕрстытӕ. Иу азы мидӕг уыйбӕрц ӕвзӕрстытӕ никуыма уыди. Фӕлӕ адӕмӕй бирӕтӕ политиктыл ӕмӕ хицӕуттыл нал ӕууӕндынц.

• Америкӕйы кӕй бафарстой, уыдонӕн сӕ фылдӕр загътой, зӕгъгӕ, «политиктӕн сӕ фылдӕр ӕрмӕстдӕр сӕхи мӕт кӕнынц», адӕмыл ӕппындӕр нӕ хъуыды кӕнынцa. (Pew Research Center, 2023 аз, 19 сентябрь).

Ӕрыгӕттӕй дӕр бирӕтӕ хицӕуттыл нал ӕууӕндынц.

• «Рӕзгӕ кары чи ис, уыдон дӕр арӕх фӕхъуыды кӕнынц, зындзинӕдтӕн кӕрон скӕнӕн куыд уаид, ууыл. Фӕлӕ сӕ куы бафарстой, уӕд загътой, политиктӕн сӕ бон кӕй ницы у саразын» (The New York Times, 2024 аз, 29 январь).

• «Ӕрыгӕтты куы бафарстой, уӕд рабӕрӕг, видеоблогертыл куыд ӕууӕндынц, политиктыл афтӕ тынг кӕй не ’ууӕндынц» (The Korea Times, 2024 аз, 22 январь).

Политиктӕ адӕмӕн хорз цард кӕй скӕндзысты, ууыл ӕууӕндын нӕ бон у? Кӕуыл ис ӕууӕндӕн?

Алкӕуыл нӕй ӕууӕндӕн

Алкӕуыл ӕууӕндын раст нӕу. Библийы фыст ис: «Ӕвӕлтӕрд алы ныхасыл дӕр ӕууӕнды, ӕмбаргӕ адӕймаг та хъуыды кӕны йӕ къахдзӕфтыл» (Ӕмбисӕндтӕ 14:15).

• Цавӕрдӕр информацийыл ӕууӕндӕн ис ӕви нӕ, уый базоныны тыххӕй бакӕс статья «Защитите себя от дезинформации!».

Политиктӕ ӕмӕ хицӕуттӕ ӕнӕзӕрдӕхудт куы уой ӕмӕ сӕм тынг хорз фӕндтӕ куы уа, уӕддӕр сӕ бон алцы нӕу. Ӕмӕ нӕ Библи дӕр уый тыххӕй фӕдзӕхсы:

• «Уӕ зӕрдӕ ма дарут кадджын лӕгтыл, адӕймаджы фыртыл, уымӕн ӕмӕ йӕ бон нӕу ирвӕзын кӕнын» (Псалом 146:3).

Ӕууӕндӕн кӕуыл ис, уыцы Хицау

Библийӕ базонӕн ис, Хуыцау кӕй равзӕрста ӕппӕты хуыздӕр Хицауы, Йесо Чырыстийы (Лукайы 1:32, 33). Уыцы хицауыл ис ӕууӕндӕн. Уый у Хуыцауы Паддзахады Паддзах. Уыцы Паддзахад уӕлӕрвтӕй зӕххӕн разамынд дӕтдзӕн (Матфейы 6:10).

• Базон, нӕ бон цӕмӕн у Йесо Чырыстийыл ӕууӕндын ӕмӕ не ’ппӕт зындзинӕдтӕн дӕр кӕрон кӕй скӕндзӕн, ууыл. Бакӕс статьятӕ «Хуыцауы Паддзахады Паддзах чи у?» ӕмӕ «Хуыцауы Паддзахад цы сараздзӕн?».