Фиппаинаг

a «Йӕ зӕрдӕ суынгӕг»-ӕй цы грекъаг дзырд ратӕлмац кодтой, уый равзӕрд мивдисӕгӕй эмбрима́омаи. Уый амоны, адӕймагӕн йӕ зӕрдӕ исты тынг куы фӕриссын кӕны, куы йын ӕй сӕнкъуысын кӕны, уымӕ. Иу библииртасӕг ныффыста: «Ам дзырд, ӕнӕдызӕрдыгӕй, ууыл цӕуы, ӕмӕ Йесойы зӕрдӕйы цы ӕнкъарӕнтӕ фӕзынд, уыдон ахӕм тыхджын уыдысты, ӕмӕ йӕ зӕрдӕ суынгӕг». «Нынкъард»-ӕй цы дзырд ратӕлмац кодтой, уый равзӕрд грекъаг дзырдӕй тара́ссо. Уый амоны, адӕймаг йӕхимидӕг куы скатай вӕййы, уымӕ. Иу дзырдуатаразӕг куыд зӕгъы, афтӕмӕй уый нысан кӕны «искӕй зӕрдӕ истӕй аххосӕй куы скатай вӕййы... куы йын фӕриссы кӕнӕ дзы маст куы бацӕуы». «Йӕ цӕссыгтӕ ӕркалдысты»-йӕ цы дзырд ратӕлмац кодтой, уый равзӕрд грекъаг мивдисӕгӕй дакри́о, ӕмӕ нысан кӕны «цӕссыг калын, ӕнӕ дзургӕйӕ кӕуын».