4:10–15

Йегъовӕйы ӕххуысӕй Моисей фараонимӕ ныхас кӕнын нал тарст. Йегъовӕ Моисейӕн цы загъта, уымӕй цӕуыл ахуыр кӕнӕм?

• Нӕ хъуыдытӕ ӕдзух ууыл хъуамӕ ма уой, ӕмӕ нын Йегъовӕ кӕй бахӕс кодта, уыцы хъуыддагмӕ нӕ сарӕхсдзыстӕм

• Хъуамӕ ма дызӕрдыг кӕнӕм, Йегъовӕ нын кӕй ратдзӕн, цы нын бахӕс кодта, уый сӕххӕст кӕнынӕн цыдӕриддӕр хъӕуы, уый

• Хуыцауыл куы ӕууӕндӕм, уӕд адӕмӕй нал тӕрсдзыстӕм

Моисей фыццаг дызӕрдыг кодта, Йегъовӕ йын цы бахӕс кодта, уый йӕ бон сӕххӕст кӕнын кӕй бауыдзӕн (Рц 4:10, 13). Искуы дӕуӕн дӕр дӕ хабар афтӕ уыд? Мыййаг, Йегъовӕйы Ӕвдисӕнтимӕ Библи ахуыр кӕныс? Дӕ бон хӕдзарӕй-хӕдзармӕ хъусын кӕнын суыдзӕн ӕви нӕ, ууыл фӕхъуыды кӕныс? Кӕнӕ та кӕд скъоладзау дӕ, уӕд, чи зоны, скъолайы хъусын кӕнынмӕ дӕ ныфс нӕ хӕссыс. Йе та, чи зоны, тӕрсыс телефонӕй кӕнӕ, бирӕ адӕм кӕм вӕййы, ахӕм рӕтты хъусын кӕнын. Кӕд афтӕ у, уӕд Йегъовӕйӕ йӕ сыгъдӕг тых кур (1Пт 4:11). Фидарӕй зон, кӕй дын баххуыс кӕндзӕн, цы дын бахӕс кӕна, уый сӕххӕст кӕнынӕн (Рц 4:11, 12).