• Йӕ хъуыддӕгты фӕрцы рӕстгӕнӕгыл нымад ӕрцыд
    Хъахъхъӕнӕн мӕсыг 2013 | 1 ноябрь

    • РААВ – ХӔТАГ СЫЛГОЙМАГ

      Раав уыд хӕтаг сылгоймаг. Раздӕры историктӕй иуӕй-иуты уыцы хабар нӕ уырныдта, ӕмӕ дзырдтой, Раав хӕтгӕ кӕй нӕ кодта, фӕлӕ ӕнӕуи фысымуаты хицау кӕй уыд. Фӕлӕ Библийы уый тыххӕй ӕргом фыст ис (Йесо Навин 2:1; Дзуттӕгтӕм 11:31; Иаковы 2:25). Ханаайнӕгтӕм хӕтаг сылгоймаг ӕгад нӕ уыд, фӕлӕ ма, ӕвӕццӕгӕн, кадджыныл нымад дӕр уыд. Фӕлӕ уый ууыл дзурӕг нӕу, ӕмӕ Раавмӕ йе ’фсарм дӕр афтӕ дзырдта. Ӕфсарм у, Хуыцау нӕ алкӕйдӕр кӕмӕй схайджын кодта, ома, хорз ӕмӕ ӕвзӕр цы у, уый ӕвзарын нӕ бон кӕй фӕрцы у, уыцы миниуӕг (Ромӕгтӕм 2:14, 15). Ӕвӕццӕгӕн, Раавмӕ худинаг каст, ахӕм цард кӕй кодта, уый. Абон ахӕм цард чи кӕны, уыдонау, чи зоны, Раавмӕ дӕр афтӕ каст, цыма къӕппӕджы бахауд, ӕмӕ дзы фервӕзӕн нӕй, уымӕн ӕмӕ йӕ бинонты ӕндӕр цӕмӕй фӕдардтаид, уый йын нӕ уыд.

  • Йӕ хъуыддӕгты фӕрцы рӕстгӕнӕгыл нымад ӕрцыд
    Хъахъхъӕнӕн мӕсыг 2013 | 1 ноябрь

    • СГАРДЖЫТЫ СУАЗӔГ КОДТА

      Израилӕгтӕ Иерихоны алыварс зилын куы райдыдтой, уымӕй иу цасдӕры размӕ дыууӕ ӕцӕгӕлон нӕлгоймаджы ӕрлӕууыдысты Раавы дуары раз. Ныфс сӕ уыд, кӕй ничи сӕ бафиппайдзӕн, фӕлӕ горӕты цӕрджытӕ тынг тыхстысты ӕмӕ бирӕтӕ тынг къӕрцхъус уыдысты, уымӕн ӕмӕ тарстысты, израилӕгтӕй сӕм сгарджытӕ куы ӕрбахъуыза, уымӕй. Раав, ӕвӕццӕгӕн, уайтагъд бамбӕрста, йӕ разы чи ис, уый. Фӕлӕ хъуыддаг уый мидӕг нӕ уыд, ӕмӕ йӕм ӕнӕзонгӕ нӕлгоймӕгтӕ никуы ӕрбацыд. Хъуыддаг уый мидӕг уыд, ӕмӕ уыдоны, сӕхи кӕимӕ аирхӕфстаиккой, ахӕм хӕтаг сылгоймаг нӕ хъуыд, фӕлӕ бынат бахсӕвиуат кӕнынӕн.