• Йӕ зӕрдӕ Хуыцауӕн раргом кодта
    Сӕ уырнындзинад сын фӕзмут

    • 9. Кӕд Аннӕ зыдта, Феннанӕ йын цы фыдӕнӕн митӕ кӕндзӕн, уый, уӕддӕр Силоммӕ кӕй ацыд, уымӕй цӕуыл ахуыр кӕнӕм?

      9 Райсомӕй раджы бинонтӕ ӕмызмӕлд кодтой. Стырӕй-гыццылӕй – иууылдӕр сӕхи рӕвдз кодтой фӕндагмӕ. Уыцы стыр бинонты цӕуын хъуыди Ефремы хӕхбӕстыл 30 километрӕй фылдӕрb. Силоммӕ уыдаид иу кӕнӕ дыууӕ боны цыд. Аннӕ зыдта, Феннанӕ та йын цы фыдӕнӕн митӕ кӕндзӕн, уый, фӕлӕ уӕддӕр хӕдзары нӕ баззад. Ӕмӕ уымӕй абон дӕр Хуыцауы лӕггадгӕнджытӕн у фӕзминаг. Иннӕтӕ цыдӕр раст куы нӕ аразой, уӕд нӕ уый хъуамӕ макуы бахъыгдара Йегъовӕйӕн лӕггад кӕнын. Искӕмӕн уый бар куы раттӕм, уӕд ӕнӕхай фӕуыдзыстӕм, зын уавӕры нын фидар фӕлӕууынӕн хъарутӕ чи дӕтты, уыцы арфӕдзинӕдтӕй.