Фыййауы куыст ӕдас нӕ уыд. Уыцы ран уыд домбӕйттӕ ӕмӕ ӕрсытӕ, ӕмӕ тӕссаг уыд дзугыл сӕхи куы ныццавтаиккой ӕмӕ фыстӕй куы ахастаиккой, уымӕйa. Хъӕбатыр ӕрыгон Давид-иу тугдзых сырдты фӕдыл алыгъд, амардта-иу сӕ ӕмӕ-иу йӕ фысты сӕ дзыхӕй ратыдта (1 Самуилы 17:34–36). Ӕвӕццӕгӕн, уыцы рӕстӕг сахуыр дурӕхсӕнӕй ӕхсын дӕр. Кӕм цард, уыцы горӕтмӕ хӕстӕг уыд Вениамины зӕхх. Вениаминӕгтӕм уыди хорз дурӕхсджытӕ, ӕмӕ сӕ алчидӕр уыцы хъуыддаджы афтӕ дӕсны уыд, ӕмӕ-иу «сӕрыхъуынмӕ куы ныхъхъавыдаид, уӕд дӕр-иу ӕй акъахтаид». Давидӕй дӕр уыд афтӕ зӕгъӕн (Тӕрхонгӕнджыты 20:14–16; 1 Самуилы 17:49).