20. Адӕймаг ӕфсӕрмыгӕнаг куы уа, уӕд цы у нӕ бон саразын?

²⁰ Фӕлӕ зӕгъӕм, кӕимӕдӕр ӕцӕгадыл, Хуыцауы хъуыддӕгтыл ныхас кӕнын райдыдтай, ӕмӕ уый та ницы дзуры? Тыхсгӕ ма кӕн. Ӕндӕр хатт дын, чи зоны, рауайа йемӕ аныхас кӕнын. «Йӕ афоныл загъд ныхас — сызгъӕрин фӕткъуытӕ ӕвзист нывӕфтыд къусы»,— загъта Соломон (Ӕмбисӕндтӕ 25:11). Кӕд исчи ӕфсӕрмыгӕнаг у, уӕд дӕхи афтӕ дар, ӕмӕ йӕ кӕй ӕмбарыс, уый хата. «Адӕймаджы зӕрдӕйы фӕндтӕ сты арф дӕттау, фӕлӕ сӕ арфуынӕг адӕймаг базондзӕн»a (Ӕмбисӕндтӕ 20:5). Сӕйраг та уый у, ӕмӕ дын кӕд чидӕр дӕ ныхас ницӕмӕ ӕрдары, уӕддӕр дӕ уый ма бахъыгдарӕд, дӕ зӕрдӕйӕн ӕхсызгон цы у, ууыл дзурын.