Уыцы хабарӕй цалдӕр ӕнусы раздӕр Библийы фыст ӕрцыд, Йесо кӕм райгуырдзӕн, уый: «Ды дӕр, Вифлеем Ефрафӕ, ӕгӕр гыццыл дӕ, цӕмӕй Иудӕйы минты ’хсӕн уай. Дӕуӕй рацӕудзӕн, Израилы мӕ номӕй чи архайдзӕн, уыцы хицау – раджы замантӕй, рагӕй фӕстӕмӕ чи ис, уый» (Михей 5:2)b. Вифлеем, ӕвӕццӕгӕн, афтӕ гыццыл уыд, ӕмӕ Иудӕйы горӕтты номхыгъды йӕ кой нӕй. Фӕлӕ уыцы гыццыл горӕтмӕ ӕрхауд стыр кад – зӕрдӕвӕрд Мессийӕ, ома Чырысти, хъуамӕ уыдаид Вифлеемӕй (Матфейы 2:3–6; Иоанны 7:40–42).