12. а) Цы загъта Йесо Хуыцауы ӕцӕгдзинады рухсы тыххӕй? ӕ) Цы хъуамӕ аразӕм, цӕмӕй нӕ рухс кӕла?

¹² Нӕ бон ӕппӕты хуыздӕр саразын цы у, уый адӕмӕн баххуыс кӕнын, цӕмӕй Хуыцауы ӕцӕгдзинады рухс уынын райдайой (Пс. 43:3). Йесо йӕ ахуыргӕнинӕгты схуыдта «ацы дунейӕн рухс» ӕмӕ сын загъта, цӕмӕй сӕ рухс афтӕ кӕла, адӕм сын сӕ «хорз хъуыддӕгтӕ» куыд уыной. Уыдон хъуамӕ хорз хабар хъусын кодтаиккой ӕмӕ сӕ рухс калдаид ӕппӕт адӕммӕ. (Бакӕс Матфейы 5:14–16.) Абон мах рухс дӕр кӕлы, уымӕн ӕмӕ адӕмӕн хорздзинад аразӕм ӕмӕ «ӕгас дунейӕн» дӕр, ома, «ӕппӕт адӕмтӕн дӕр» хорз хабар хъусын кӕнӕм (Матф. 26:13; Марчы 13:10). Цӕй кадджын куыст у уый!

15. Нӕ «хорз хъуыддӕгтӕ» иуӕй-иутыл куыд фӕзынынц?

¹⁵ Йесо судзгӕ цырагъы кой куы ракодта, уӕд йӕ ахуыргӕнинӕгтӕн загъта: «Афтӕ уӕ рухс дӕр кӕлӕд адӕммӕ, цӕмӕй уын уӕ хорз хъуыддӕгтӕ уыной ӕмӕ уын уӕ уӕларвон Фыды кадджын кӕной». Нӕ хорз хъуыддӕгтӕ нын чи фены, уыдонӕй чидӕртӕ Хуыцауы скадджын кӕнынц – лӕггад кӕнын ын райдайынц. Уӕдӕ уӕд куыннӕ хъуамӕ ӕрттивӕм «ацы дунейы... рухсау»! (Фил. 2:15).

16. «Ацы дунейӕн рухс» стут, зӕгъгӕ, уый цы нысан кӕны?

¹⁶ «Ацы дунейӕн рухс» стут, зӕгъгӕ, нысан кӕны Хуыцауы Паддзахады тыххӕй хъусын кӕнын ӕмӕ ахуыргӕнинӕгтӕ цӕттӕ кӕнын. Фӕлӕ ӕрмӕст уый фаг нӕу. «Гъемӕ уӕдӕ, рухсы хъӕбултӕн куыд ӕмбӕлы, афтӕ цӕрут,– фыста апостол Павел,– уымӕн ӕмӕ, рухс кӕм ис, уым ис алы хорздзинад, рӕстдзинад ӕмӕ ӕцӕгдзинад» (Еф. 5:8, 9). Нӕ уагахаст хъуамӕ уа фӕзминаг. Хъуамӕ нӕ зӕрдӕмӕ айсӕм апостол Петры уынаффӕ: «Ацы дунейы адӕмы ’хсӕн уӕ уаг ӕмӕ уе ’гъдауӕй ут фӕзминаг, цӕмӕй уӕ фыдгӕнджытӕ чи хоны, уыдон, уӕ хорз хъуыддӕгтӕ уынгӕйӕ, Хуыцауы скадджын кӕной, уый хъуыддӕгтӕм куы ’ркӕса, уыцы бон» (1 Пет. 2:12). Фӕлӕ чырыстӕттӕ кӕрӕдзи куы нӕ бамбарой, уӕд цы хъуамӕ бакӕной?