Уый йын загъта: «Сӕдӕ дурыны [ома 2 200 литры бӕрц] оливӕйы сой». Хӕс чи дардта, уымӕ, ӕвӕццӕгӕн, уыди, оливӕбӕлӕстӕ кӕм зад, ахӕм стыр дыргъдон кӕнӕ та оливӕйы сой уӕй кодта. Гъемӕ йын хӕдзармӕгӕсӕг загъта: «Айс дӕ гӕххӕтт, ӕрбад ӕмӕ рӕвдздӕр ныффысс: фӕндзай [ома 1 100 литры бӕрц]» (Лукайы 16:6).

Хицауы хъуыддӕгтӕ ӕмӕ ӕхцатӕ нырма хӕдзармӕгӕсӕджы бар уыдысты, ӕмӕ уымӕ гӕсгӕ йӕ бон уыди, йӕ хицауӕй иннӕтӕ цы хӕс дардтой, уый фӕкъаддӕр кӕнын. Уый фӕрцы уыцы адӕмӕй йӕхицӕн хӕлӕрттӕ скодта, ӕмӕ, ӕнӕ куыстӕй куы баззадаид, уӕд-иу ын уыдон дӕр йӕ къух сарӕзтаиккой.