• Нӕ бон куыд у раст уынаффӕтӕ хӕссын?
    Амондджынӕй цӕр ӕнустӕм! Базон, Библи цы дзуры

    • 5. Иннӕты ӕфсармыл хъуыды кӕн

      Адӕм иухуызон не сты, ӕмӕ сӕ уынаффӕтӕ дӕр иухуызон нӕ вӕййынц. Цӕмӕй бӕрӕг уыдзӕн, иннӕты ’фсармыл кӕй хъуыды кӕнӕм? Ӕркӕсӕм дыууӕ уавӕрмӕ.

      1 уавӕр. Хо уарзы йӕхи ахорын. Уыцы хо ахызт ӕндӕр ӕмбырдмӕ. Ӕмӕ уым хотӕн сӕ фылдӕры зӕрдӕмӕ нӕ цӕуы, сылгоймаг йӕхи куы фӕахоры, уый.

      Бакӕсут Ромӕгтӕм 15:1 ӕмӕ 1 Коринфӕгтӕм 10:23, 24 ӕмӕ стӕй аныхас кӕнут ацы фарстатыл:

      • Ацы стихтӕм гӕсгӕ, хо, гӕнӕн ис, цавӕр уынаффӕ рахӕсса? Зӕгъӕм, дӕуӕн де ’фсарм цӕмӕндӕр бар дӕтты, демӕ чи ис, уымӕн та нӕ дӕтты. Ахӕм уавӕры куыд бакӕнис?

      2 уавӕр. Ӕфсымӕр зоны, Библимӕ гӕсгӕ нозт бӕрцӕй нуазӕн кӕй ис. Фӕлӕ аскъуыддзаг кодта, ӕппындӕр кӕй нӕ нуаздзӕн. Уыцы ’фсымӕры бадтмӕ фӕхуыдтой, ӕмӕ уым иннӕ ’фсымӕрты нуазгӕ федта.

      Бакӕсут Екклесиаст 7:16 ӕмӕ Ромӕгтӕм 14:1, 10 ӕмӕ стӕй аныхас кӕнут ацы фарстатыл:

      • Ацы стихтӕм гӕсгӕ, ӕфсымӕр, гӕнӕн ис, цавӕр хъуыдымӕ ’рцӕуа? Зӕгъӕм, чидӕр, дӕуӕн де ’фсарм бар цӕмӕн нӕ дӕтты, ахӕм цыдӕр аразы. Ахӕм уавӕры куыд бакӕнис?

      Раст уынаффӕтӕ хӕссынӕн дын цы ’ххуыс кӕндзӕн?

      Сылгоймаг кувы.

      1. Йегъовӕмӕ-иу кув, цӕмӕй дын баххуыс кӕна, куыд бакӕнай, уый бамбарынӕн (Иаковы 1:5).

      Уыцы сылгоймаг цавӕрдӕр фарста иртасы; йӕ разы ис Библи, Библийыл арӕзт публикацитӕ ӕмӕ компьютер.

      2. Раиртас-иу Библи ӕмӕ Библийыл арӕзт публикацитӕ, цӕмӕй ссарай, дӕ уавӕрмӕ чи хауы, ахӕм уагӕвӕрдтӕ. Дӕ бон ма у фӕлтӕрд чырыстӕттимӕ дӕр аныхас кӕнын.

      Уыцы сылгоймаг хъуыды кӕны.

      3. Ахъуыды-иу кӕн, дӕ уынаффӕ де ’фсармыл ӕмӕ иннӕты ’фсармыл куыд фӕзындзӕн, ууыл.